Әһли Бејт -АБНА- хәбәр аҝентлијинин вердији хәбәрә әсасән: Ијулун 15-и Вашингтонда, Һелсинки Комиссијасынын интернет азадлығы илә бағлы динләмәләрдәки чыхышында “Фреедом Һоусе” бејнәлхалг инсан һаглары тәшкилатынын президенти Девид Крамер белә дејиб: “Әрәб өлкәләриндәки үсјанлардан сонра Азәрбајҹан һөкумәтинин интернетә нәзарәти ҝүҹләниб. Һөкумәт тәнгиди сајтлара ҝириши дурмадан әнҝәлләјир. Онларын арасында мүхалиф гәзетләрин сәһифәләри, мүхтәлиф сајтлар, о ҹүмләдән “Азадлыг” вә “Азад Авропа” Радиолары Корпорасијасынын Азәрбајҹан хидмәти дә вар”.
“Туран” “Американын сәси”нә истинадла билдирир ки, Крамер ҝәнҹ фәаллар Бәхтијар Һаҹыјев вә Ҹаббар Саваланлынын да интернетдә фәал олдугларына ҝөрә һәбс едилдикләрини сөјләјиб. О, интернет азадлығынын Нахчыванда даһа гәддарҹасына, өзү дә Али Мәҹлисин сәдри Васиф Талыбовун шәхси тапшырығы илә позулдуғуну дејиб. Крамер мүхалифәт фәалларынын “Фаҹебоок” сәһифәләринә дәфәләрлә блок гојулдуғуну да диггәтә чатдырыб.
АТӘТ-ин медиа азадлығы үзрә нүмајәндәси Дунја Мијатавич Азәрбајҹан һөкумәтинин интернет фәалларыны мүәјјәнләшдирмәк вә һәбс етмәк үчүн һеч дә хүсуси технолоҝијадан јарарланмадығыны вурғулајыб: “Онларын “Фаҹебоок” профилләрини изләмәк һөкумәтә бу ҹүр һәбс барәдә гәрар вермәјә кифајәт едир”.
Диггәт: Хәбәрдән истифадә етдикдә мәнбәјә истинад лазымдыр
