Әһли Бејт -АБНА- хәбәр аҝентлијинин вердији хәбәрә әсасән: Нидерландын Дрентен әјаләтиндәки Хоогерсмилд шәһәриндә телегүллә учуб. Анспресс-ин мәлуматына ҝөрә, бунун нәтиҹәсиндә өлкәнин бир һиссәси телевизија вә радио, еләҹә дә мобил рабитәсиз галыб. Һүндүрлүјү 300 метр олан телегүлләнин 200 метрлик шпил һиссәсинин дағылма аныны лентә алмаг мүмкүн олуб.
Телегүлләнин бир һиссәсинин учмасына јердән 100 метр јүксәкликдә јанғын сәбәб олуб. Јанғынын гысагапанма нәтиҹәсиндә баш вердији еһтимал едилир. Јанғынсөндүрәнләр аловун гаршысыны алсалар да, телегүлләнин конструксијасы јанғына таб ҝәтирмәјәрәк учуб. Хәсарәт алан олмајыб.
Гејд едәк ки, һадисәдән әввәл бу телегүллә Нидерландда ән һүндүр гүлләләрдән бири һесаб едилирди.
Диггәт: Хәбәрдән истифадә етдикдә мәнбәјә истинад лазымдыр
