Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Ағыр Ҹинајәтләрә Даир Ишләр үзрә Мәһкәмәдә АИП сәдри Мөвсүм Сәмәдов, онун тәшкилати мәсәләләр үзрә мүавини Вагиф Абдуллајев, партијанын Астара рајон комитәсинин сәдри Руфулла Ахундзадә, Масаллы руһаниси Һаҹы Фәрамиз Аббасов, Мөвсүм Сәмәдовун гајны Фирдовси Мәммәдрзајев, әмиси оғлу Дәјанәт Сәмәдов вә илаһијјатчы алим Зүлфүгар Микајылзадәнин нөвбәти мәһкәмә просеси кечирилиб.
Просес башламамышдан габаг Масаллы руһаниси мәһкәмә залына мүраҹитә едәрәк билдирди ки, “Биз шәһадәт истәмишдик, зиндана дүшдүк. Бунлар горхагдырлар. Бизи әсасыз иддиаларла һәбс едибләр. Језид, Имам Һүсејн (ә) аиләси илә ҝөрүшә иҹазә вердиләр. Амма бунлар мәнә аиләмлә ҝөрүшә иҹазә вермирләр.”
Мәһкәмәни ачыг елан едән һаким Елдар Исмајылов илк өнҹә билдирди ки, мәһкәмәнин иҹлас катиби дәјишдирилиб. Јени мәһкәмә иҹласы катиби Ејвазов Акифдир. Бундан әлавә Зүлфүгар Микајылов дөвләт тәрәфиндән тәјин олуан вәкилдән имтина едиб. Зүлфагар Микајыловун јени вәкли Рүстәм Зүлфигаровдур.
Бундан сонра вәкилләр вәсатәтләрини тәгдим етдиләр. Илк өнҹә Азәрбајҹан Ислам Партијасынын сәдринин вәкили Анар Гасымов вәсатәтләрини тәгдим етди. О, мүдафиә етдији шәхсин ҹинајәт ишиндә дәлил-сүбутларын олмадығыны дејәрәк, ҹинајәт ишинә хитам верилмәси барәдә вәсатәт галдырараг мүвәккилинин дәрһал азад олунмасыны тәләб етди. Һәмчинин гејд етди ки, әҝәр бу вәсатәт тәмин олунмаса, Сәмәдов барәсиндә һәбс гәтимкан тәдбири ев дустаглығы илә әвәз олунмалыдыр.
Дөвләт иттиһамчысы исә вәсатәтләрин рәдд олунмасыны истәди.
Вәкил вәсатәтләрини тәгдим едәрәк билдирди ки, һазырда Мөвсүм Сәмәдовун һимајәсиндә јеткинлик јашына чатмамыш 3 ушаг вар. Бакы шәһәриндә јашајыр. Азәрбајҹан Ислам Партијасынын сәдридир. Сијаси фәалијјәтлә мәшғулдур. О, мәнәви дәјәләр уғрунда мүбаризә апарыр. Һакимијјәтә ҝәлмәк фикри јохдур. О, һиҹаб гадағасына етираз едиб.
Партијан сәдринин тәшкилати мәсәләләр үзрә мүавини Вагиф Абдуллајевин вәкили Немәт Һејдәров да мүвәккили барәдә ачылмыш ҹинајәт ишиндән вәсатәт верди. Вәкил ачылан ҹинајәт ишини ганунсуз һесаб едәрәк вурғулады ки, “неҹә олур, Вагиф Абдуллајев бир ҝүн әрзиндә һәм силаһ топлады, һәм дә дөвләт чеврилиши етмәк истәди. Мән хаһиш едирәм бу ишә диггәт јетирин ҹәнаб һаким. Мүвәккилим дәрһал азад олунмалыдыр. Әҝәр бу вәсатәтим тәмин олунмаса, Вагиф Абдуллајев барәсиндә һәбс гәтимкан тәдбири ев дустаглығы илә әвәз олунсун.”
Дөвләт иттиһамчысы исә јенидән вәсатәтләрин рәдд олунмасыны истәди. Вә билдирди ки, вәкилләрин галдырдығы вәсатәтләр әсасыздыр.
Дөвләт иттиһамчысына етираз едән Мөвсүм Сәмәдовун вәкилли Анар Гасымов, мәһкәмәнин баш һакиминә билдирди ки, дөвләт иттиһамчысы Вүгар Галибов анҹаг вәкилләри иттиһам едир. Ҹинајәт ишинә тохунумур.
Мәһкәминин һакиминдән сөз алан Вагиф Абдуллајев исә билдирди ки, “мәним 60 јашым вар. 7 ај әрзиндә һеч ким мәндән һеч нә сорушмајыб. Бу әдаләтсизликдир. Биз Аллаһ партијасынын нүмајәндәләријик. Бизә бу ҹүр иттиһамлар атмајын. Мәни 7 јанвар 2011-ҹи ил тарихиндә сахлајараг, 10 ҝүнлүк азадлыгдан мәһрум едибләр. Һәбсдә сахланыларкән 3 дәфә мәним үчүн тәҹили тибби јардым чағырылыб. Мән партијанын тәшкилати мәсәләр үзрә мүавинијәм. Ҹамааты Баш Мәҹлисин иҹласына дәвәт етмәк нә вахтдан ҹинајәт олуб? Аллаһ ады олан партијаја ҹинајәткар демәк олмаз. Террорчунун дини, миллијәти, ирги јохдур. Мән Ленинград Университетиндә дәрс демишәм. Амма ҝәлдим ки, вәтәнимә хидмәт едим. Бу ҹүр ҹаванлара дәрс дејим (прокурора ишарә едир). Инди ҝөрүн мәни нә илә иттһам едирләр. Мән ики дәфә инфаркт кечирмишәм. Мән дәрһал азад олунмағымы тәләб едирәм.”
Руфулла Ахундов: “Биз гејрәт үстүндә һәбс едилмишик. Бу прокурор сакит отурсун.”
Бу арада АИП сәдри Мөвсүм Сәмәдовун јолдашы Меһбарә Сәмәдова мүдахилә едир: “Мәһкәмәнин сәсини ешитмирик. Бу неҹә сивил өлкәдир ки, мәһәкәмәјә бир микрофон да јерләшдирә билмирләр. Биз бу иши әсасыз сајырыг. Сиз истәјирсиниз бизим әзизләримизи зиндана саласыныз.”
Вәкил Анар Гасымов: “Wикилеаксын рәһбәри Ҹулиан Ассанҹе бүтүн дүнјаны бир-биринә вурду. Амма 10 мин авро әвәзлә сәрбәст бурахдылар. Бунлар һеч бир ҹинајәт төрәтмәдији һалда, ев дустаглығы верилмир.”
Даһа сонра Фәрамәз Аббасовун вәкили Мәзаһир Шаһмаров ики вәсатәтлә чыхыш етди. О, мүвәккилинин дәрһал азад олунмасыны тәләб етди. Әҝәр бу вәастәт тәмин олунмаса, барәсиндәки һәбс гәтимкан тәдбири ев дустаглығы илә әвәз олунсун. Вәкил билдирди ки, “бу шәхсләр кимләринсә хошуна ҝәлмирсә, демәли гурбан ҝетмәлидирләр. Мүвәккилим диндирләркән вәкиллә тәмин олунмајыб. Масаллы мәһкәмәси ганунсузлуға јол верәрәк ҝеҹә тәләм-тәләсик гәрар чыхарыб. Бундан әлавә 4 нәфәр шаһид вар. Онлардан 2-и полис, 2-и исә һал шаһидидир. Бизим тәрәфдән шаһидләр гәбул олунмур. Бу истинтаг чох ҝүлмәлидир.”
Мүвәккил вәкилнин вәсатәтинә дәстәк олараг билдирди ки, “7 ајдыр бу мәһкәмәләр бизә зүлм едир. Мән сәнә шанс верирәм. Мәним адымдан јалан данышма. Данышаркән ҝөзүмүн ичинә бах. Анд олсун Аллаһа сән јалан дејирсән. Кишисәнсә, сән дә анд ич Аллаһа. Бу иддиалар јаландыр. Јаландан мәним адымдан јазыблар ки, ҝуја мән вәкилимдән имтина етмишәм. Нә олду, бу јас мәҹлисләри террор мәҹлиси имиш. Анамын һәјәтинә силаһ гојублар. Нијә силаһда әл изи ахтармырсыныз? Анасынын балалары олан һал шаһидләри ҝәтирибләр. Мән ҹинајәт төрәтмәмишәм ки, сиздән дә хаһиш едәм. Мән тәләб едирәм. Мәни азад един. Аиләмлә ҝөрүш верин!”
Вагиф Абдуллајев: “Ҹәнаб һаким бурда әјләшәнләр 9 милјонлуг Азәрбајҹан халгынын ләјагәтли өвладларындандыр. ”
Чыхыш едән Руфулла Ахунзадәнин вәкили Садиг Бағыров диҝәр вәкилләрдән фәргли олараг үч вәсатәтлә чыхыш етди. Вәкил билдирди ки, ҹинајәт ишиндә һеч бир дәлил-сүбут јохдур. Бу ҹинајәт ишинә хитам верилинсин. Вә мүвәккилим дәрһал азад олунсун. О, һәмчинин гејд етди ки, әҝәр бу вәсатәт тәмин олунмаса, мүвәккилимин барәсиндә һәбс гәтимкан тәдбири ев дустаглығы илә әвәз едилсин. Үчүнҹү вәсатәтим бундан ибарәтдир ки, мүвәккилим Руфулла Ахундзадәнин Иран Ислам Республикасынын “Сәһәр” телеканалына вердији мүсаһибә мәһкәмәдә динләнилсин. Тәәссүф едирәм ки, чыхышлардан бир нечә сөз чыхарылыб. Әҝәр там тәгдим олунсајды бу ҹүр олмазды.”
Вәкил Садиг Бағыровун чыхышындан сонра мәһкәминин баш һакими Елдар Исмајылов диҝәр мәһкумлар Зүлфүгар Микајылов, Фирдовси Мәммәдрзајев вә Дәјанәт Сәмәдовун вәсатәтләринә ијулун 21-и саат 10:00-да бахылаҹағыны билдириб.
Гејд едәк ки, бу ҝүн кечирилән мәһкәмәдә баш һаким Елдар Исмајылов дөвләт иттиһамчысы баш прокурор Закир Гарловун биринҹи мүавини Вүгар Галибова хәбәрдарлыг едиб. Һаким ону јерсиз мүдахиләләрдә иттиһам едиб. Вәкилләр исә мүвәккиләри барәдә сүбутларын сијаһысынын нөвбәти мәһкәмәдә тәгдим олунмасыны тәләб едибләр.
Турал Һәсәнли
