Әһли Бејт -АБНА- хәбәр аҝентлијинин вердији хәбәрә әсасән: Бакынын Низами рајонунда интиһар һадисәси баш вериб. Мәлуматы Рајон Полис Идарәсин јајыб.
Һадисә бу ҝүн саат 14.00 радәләриндә, Г. Гарајев проспекти, 81 үнванында гејдә алыныб. Һәмин үнванда 9 мәртәбәли бинанын 7-ҹи мәртәбәсиндә јашајан, 33 јашлы Үлфанә Гулијева јашадығы евин ејванындан өзүнү атыб. О, јериндәҹә кечиниб. Интиһарын сәбәбләри мәлум дејил.
Полисдән һәмчинин билдирилиб ки, Ү.Гулијева 3 ушаг анасыдыр. Һәјат јолдашы бир нечә ҝүн әввәл ишләмәк мәгсәди илә Русијаја ҝедиб. Һадисә баш верән заман мәрһум евдә тәк олуб.
Фактла бағлы арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
