Әһли Бејт -АБНА- хәбәр аҝентлијинин вердији хәбәрә әсасән: Бејнәлхалг Әһли-Бејт Ассамблејасынын баш катиби Азәрбајҹан Республикасында орта мәктәбләрдә шаҝирдләрин һиҹабына гојулмуш гадағанын ләғв олунмасы истигамәтиндә бу республика халгындан 100 мин имза топлама кампанијасы илә әлагәдар һәрәкәти дәстәкләјиб.
Һөҹҹәтүлислам вәлмүслимин Әхтәри Бејнәлхалг Сәһәр телеканалынын журналисти илә мүсаһибәдә дејиб: Биз гардашларымыздан истәјирик ки, мәнтиги јолла, мүраҹиәтләр јазмагла вә имза топламагла өз тәләбләрини бәјан етсинләр, динҹ јолла өз тәләбләриндә исрарлы олсунлар вә мөһкәм дајансынлар. Билсинләр ки, Аллаһ-Таала онлара көмәк олаҹаг.
"Мүсәлманлар арасында бөјүк ојаныш далғасы јараныб вә ҝәнҹләрин бәсирәти инкишаф едиб. Гәнаәтимизә ҝөрә, Азәрбајҹанын ојаг ҝәнҹләри вә мүсәлманлары гәти шәкилдә өз јолларыны давам етдирәҹәкләр. Онлар өз ислами һүгугларыны тәләб едир вә гурулуша гаршы дејилләр" -дејә Әхтәри билдириб.
Һөҹҹәтүлислам Әхтәринин гәнаәтинҹә, Азәрбајҹан Республикасы һөкумәти һиҹаб мүдафиәчиләри илә кобуд давранмамалыдыр. Инсанларын һәбсә атылмасы, узун вә чәтин диндирилмәләр мүсәлманы өз етигадындан дөндәрә билмәз.
Һөҹҹәтүилислам Әхтәри билдириб ки, һиҹаб исламын зәрури мәсәләләриндәндир. Тунис кими һиҹабла мүбаризә апаран өлкәләрин һөкумәтләри дә деврилибләр.
Бејнәлхалг Әһли-Бејт Ассамблејасынын баш катиби үмид едиб ки, һөкумәтләр өз халгларынын дини тәләбләринә диггәт јетирәҹәкләр вә кобуд давраныш вә узун мүддәтли һәбсләрлә бу һәрәкәтин гаршысыны ала биләҹәкләрини дүшүнмәсинләр.
Диггәт: Хәбәрдән истифадә етдикдә мәнбәјә истинад лазымдыр
