Әһли Бејт -АБНА- хәбәр аҝентлијинин вердији хәбәрә әсасән: Ирагын баш назири өлкәсинин Иран илә әлагәләрин мөһкәмләндирилмәси үзрә ҹидди аддымлар атмаға һазыр олдуғуну вурғулајыб.
ИРНА мүхбиринин мәлуматына ҝөрә, Нури Малики чәршәнбә ҝүнү Иран вә Ирагын мүштәрәк Али Комиссијасынын иҹласында дејиб: Иранын јүксәк сәвијјәли нүмајәндә һејәтинин Ирага сәфәри ики өлкә арасындакы әмәкдашлыглары даһа да тәкмилләшдирәҹәк вә инкишаф етдирәҹәк. Вә бу ики өлкә халгынын ирадәсиндән мәншә алан бир мәсәләдир.
О, һәмчинин ики өлкә арасындакы 8 иллик мүһарибәјә ишарә едәрәк, дејиб: Кечмишдә ики өлкә арасында тәәссүф доғуран һадисәләрин јашанмасы һәгигәтән нараһатлыг доғуран мәсәләдир. Амма, һазырда артыг о тәәссүф доғуран һадисәләрдән чох узаглашмышыг вә икитәрәфли әлагәләрин мөһкәмләндирилмәси үзрә ҹидди аддымлар атмаға һазырыг.
Нури Малики ики өлкәнин електрик енержиси, нефт, газ, сәнаје, јолларын салынмасы, тикинти вә тиҹарәт саһәләриндәки әмәкдашлыг зәминләринә ишарә едәрәк, дејиб: Иранын јүксәк сәвијјәли нүмајәндә һејәтинин Ирага сәфәри икитәрәфли әлагәләрин ҝенишләндирилмәси јолунда мүһүм аддым сајылыр.
Ирагын баш назири Иранын јүксәк сәвијјәли нүмајәндә һејәтинин Бағдада сәфәр етмәсиндән разылыг едәрәк, дејиб: Ҝениш әмәкдашлыгларына ҝөрә Иран Ислам Республикасына тәшәккүр едирәм вә үмидварам бу ҝөрүшләр әлагәләримизин даһа да мөһкәмләнмәсинә сәбәб олсун.
Диггәт: Хәбәрдән истифадә етдикдә мәнбәјә истинад лазымдыр
