Әһли Бејт -АБНА- хәбәр аҝентлијинин вердији хәбәрә әсасән: Ордуда хидмәт едәҹәк дин хадимләринин мүәјјән едилмәси үчүн һүгуги просесә старт верилиб.
Түркијә мәтбуатынын вердији мәлумата ҝөрә, Русија ордусу сыраларында дин хадимләринин хидмәт едәҹәјинә даир гәрар гәбул едилмәсиндән сонра дин хадимләринин һазырлыг тәлимләринә старт верилиб. Мәсәлә илә бағлы Русија Ислам Университетиндән верилән мәлуматда бу истигамәтдә һазырлыг ишләринин давам етдији билдирилиб. Университетин мәлуматында мүсәлман дин хадимләринин бир сыра тәләбләрини мүвафиг сртуктурлара чатдырдығы да мәлуматда өз әксини тапыб. Һәмчинин, мәлуматда сөзүҝедән тәләбин әсасән һалал гидаланма хүсусунда олдуғу гејд едилиб.
Мәсәлә илә бағлы ачыглама верән Мүсәлманларын Мәркәзи Дини Комитәсинин сәдри Талһат Таҹәддин мәркәзи шәһәрләрдәки һәрби һиссәләрдә хидмәт едән әсҝәрләрин 10%-нин мүсәлман олаҹағы тәгдирдә ордуда мүсәлман дин хадиминин ишлә тәмин олунаҹағына даир гәрарын гәбул едилдијини гејд едәрәк, сөзүҝедән дин хадимләринин мүсәлман әсҝәр вә забитләрин арасындан сечиләҹәјини билдириб.
Хатырладаг ки, Русија ордусу сыраларында дин хадимләринин хидмәт едәҹәјинә даир гәрар һәлә 2009-ҹу илдә президент Дмитри Медведјев тәрәфиндән верилмишди.
Диггәт: Хәбәрдән истифадә етдикдә мәнбәјә истинад лазымдыр
