Әһли Бејт -АБНА- хәбәр аҝентлијинин вердији хәбәрә әсасән: Сионист тәфәккүрлү Азәрбајҹанын “халг шаири”, “дүнја азәрбајҹанлылары конгреси”нин һәмсәдри сабир рүстәмханлы масонларын ислам дүнјасына гаршы ҹыздыглары планлары бөјүк һәвәслә һәјата кечирир. Азәрбајҹанын 20% торпаглары христиан аләминин ермәни тәҹавүзкарлары тәрәфиндән нөвбәти Сәлиб тәҹавүзүнә мәруз галмасы, нәтиҹәдә 1000,000 гачгынын ел-обаларындан дидәрҝин дүшмәләрини гејрәтли мүсәлман халгынын ган јаддашындан силмәкдән өтрү әлиндән ҝәләни едир.
О, “дүнја азәрбајҹанлыларынын дурултајы”ндан өнҹә “азадлыг радиос”уна вердији ачыгламасында Ислам Динин һәдәфә алараг билдириб: Бизим орта әсрләр дөврүндә Сәфәвиләр, Гаҹарлар, Авшарлар ады алтында сүлалә дөвләтләримиз олуб. Сонра (ислами) үммәтчилик өн ҹәрҝәдә дајаныб. Үмуми Иран, Османлы дөвләтинин адынын алтында галыблар. Тәәссүф ки, бүтүн бунлар вә Ислам дининин бәзи хүсусијјәтләри-һамыја бир ҝөзлә бахмаг вә һамыны мүсәлман сајмаг - милли дүшүнҹәни хејли зәифләдиб” .
с. рүстәмханлы сон вахтлар интернет јазышмаларында гурултајын Азәрбајҹанда доғулуб бөјүјән вә сонра хариҹи өлкәләрә көч едәнләрин гурултајы олмасы илә бағлы јајылан хәбәрләрә мүнасибәт билдирибикдә Иран Ислам Республикасына әрази иддиасы едәрәк сионистләрин ҝөстәришини ҹанла-башла јеринә јетирәрәк демишдир: “Бу, бүтөв Азәрбајҹанын гурултајыдыр. О сөзү дејәнләр Иранла тиҹарәти оланлар, әлагәләри оланлар, Ирандан горханлардыр. Иранда јашајан түркләри бу просесдән кәнар сахламаға чалышан мүәјјән адамлар вар. Вә јахуд “дак” дејәндә, онун сәдрини анҹаг ҝүнејли, ја гузејли, јахуд хариҹи дөвләтләрдән биринин нүмајәндәси кими тәсәввүр едәнләр вар. Бизи бу просесләрдән кәнар сахламаг истәјәнләр вар. Дүздүр, биз диаспор дејилик, амма диаспорун ҝөрдүјү бүтүн ишләрдә јахындан иштирак едирик. Марагларымыз да, ҝәләҹәјимиз дә бирдир. Мәнә елә ҝәлир ки, гурултајда бу мәсәләләр вурғуланаҹаг. Бурадан ҝедәнләрин бәзиләри игтидары севмәјәрәк ҝедир, гачыб ҝедән вар вә с. Онлардан бәзиләри хариҹдә Азәрбајҹана дүшмәнчилик едирләр. Сөһбәт Азәрбајҹанын марағыны ҝүдмәкдән ҝедәндә, Ҝүнеј-Гузеј јохдур. Һәјат сүбут етди ки, дүнја азәрбајҹанлыларынын һәм сијаси, һәм мәдәни фикир мәркәзи Бакыдыр. Ирандан да бура ҝәләнләр чохдур. Биз бу јолу инкишаф етдирмәкдән өтрү даһа бөјүк имканлара маликик”.
Гејд едәк ки, ијулун 5-дә Бакыда Дүнја Азәрбајҹанлыларынын III Гурултајы кечириләҹәк. Диаспорла Иш үзрә Дөвләт Комитәсинин рәсми сајтында јајылан хәбәрә ҝөрә, гурултаја 1272 нүмајәндә сечилиб. Гурултајда дүнјанын 42 өлкәсиндән 579 нүмајәндә вә 211 гонаг иштирак едәҹәк.
Диггәт: Хәбәрдән истифадә етдикдә мәнбәјә истинад лазымдыр
