Әһли Бејт -АБНА- хәбәр аҝентлијинин вердији хәбәрә әсасән: Милли Мәҹлисин депутаты Игбал Ағазадә өз блогунда Һҹабла бағлы мөвзуда белә јазыб: “Ҝејим вә јашам тәрзи һеч бир һалда мәһдуд олмамалыдыр. Ҹәмијјәт инсанларын азад сечиминә, һәјат тәрзинә вә һадисәләрә мүнасибәтинә нормал, тәлашсыз вә толерант јанашмалыдыр”.
Һиҹаб да, бир јашам тәрзи нүмүнәсидир. Өз һәјатыны вә јашам тәрзини сәрбәст сечән инсанлар дахилән азад инсанлардыр. Азад инсан азад ҹәмијјәтин гурулмасына чох шеј верир, бу просесә мүстәсна тәсир ҝөстәрир вә бири, диҝәри олмадан тәсәввүр едилә билмәз. Һәр биримиз инсанларын даһа азад јашамасы үчүн чалышмалыјыг.
Һәтта, тәһсил һаггында ганунда һиҹаб вә диҝәр баш өртүләри һаггында һеч бир гадаға јохдур вә әҝәр һансыса мүәссисә рәһбәрлији, дөвләт рәсмиси белә бир гадаға тәтбиг едирсә бу бир ганун позунтусу, бир ҹинајәтдир. Азәрбајҹан азад дөвләтдир вә бурада инсанлара дини ҝөрүшләринә вә ҝејимләринә ҝөрә фәрг гојулмасы јолверилмәздир вә биз һәр заман инсанларын азад сечими вә азад јашамасы уғрунда мүбаризәмизи давам етдирәҹәјик.
Диггәт: Хәбәрдән истифадә етдикдә мәнбәјә истинад лазымдыр
