Әһли Бејт -АБНА- хәбәр аҝентлијинин вердији хәбәрә әсасән: 1 ијул Ҝоранбој рајон Иҹра Һакимијјәтиндә инсидент баш вериб. Ҝоранбој рајон сакини, кечмиш полис әмәкдашы, 45 јашлы Гасымов Рәһман Аллаһверди оғлу өзүнә мәхсус гошалүлә ов түфәнҝи илә Ҝоранбој рајон иҹра һакимијјәтинә басгын едиб.
Һадисәјә сәбәб Рәһман Гасымовун Ҝоранбој Рајон Полис Шөбәсинин рәиси Мәһәммәд Мәммәдовдан мадди көмәк истәмәси олуб. Хәстә олдуғуну әсас ҝәтирәрәк мадди көмәк истәјән Гасымова һәр һансы бир көмәк етмәјәҹәјини билдирилдикдә, о евиндән гошалүлә ов түфәнҝини ҝөтүрүб етираз әламәти олараг Ҝоранбој иҹра һакимијјәтинә ҝәлиб. Иҹра һакимијјәтинин әмәкдашлары ону сакитләшдирмәјә чалышдыглары вахт һадисә јеринә ҝәлән Мәһәммәд Мәммәдову ҝөрән Гасымов ону атәш ачаҹағы илә һәдәләјиб. Лакин Гасымов тәрксилаһ олунуб вә полис әмәкдашлары тәрәфиндән һәбс едилиб.
Ҝоранбој рајон Иҹра Һакимијјәти башчысынын биринҹи мүавини Бахыш Абдуллајев АПА-нын Гарабағ бүросуна билдириб ки, инсидент заманы һеч кәс хәсарәт алмајыб вә РИҺ-нә һәр һансы мадди зәрәр дәјмәјиб.
Фактла бағлы Ҝоранбој рајон полис шөбәсиндә арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
