Әһли Бејт -АБНА- хәбәр аҝентлијинин вердији хәбәрә әсасән: 30 ијуна тәсадүф етмиш мүгәддәс рәҹәб ајын 27-си бәшәријјәтин хиласкары һәзрәти Муһәммәд ибни Әбдуллаһын (сәлләллаһу әлејһи вә алиһ) пејғәнбәрлијә сечилән ҝүнүдүр. Бу ҝүнлә әлагәдар Имам Хамнеји һәзрәтләринин Теһрандакы офисиндә бајрам тәдбири кечирилмишдир. Тәдбирдә Ајәтуллаһ Имам Хамнеји мүхтәлиф дөвләт стурктурларындан иштирак едән инсанлар гаршысында бу әзиз бајрамы бүтүн милләтләрә хүсуси илә дә Иран халгына тәбрик билдирәрәк чыхыш етмишдир.
Дүнја Мүсәлманларынын Лидери Ајәтуллаһ Хамнеји ҹәнабларынын чыхышларынын бәзи јерләрини диггәтинизә чатдырырыг:
Ајәтуллаһ Хамнеји чыхышында јахын шәргдә баш верән олајлара ишарә едәрәк билдирмишдир: “Әтраф мәнтәгәдәки “Ислам Үммәти”нин дирчәлиши һәзрәти пејғәнбәрин гојдуғу јолун давамыдыр. Мүсәлман милләтләри вә бојүк Иран халгы сијаси ајыглыг ҝөстәрәрәк АБШ вә сионистләрин мүсәлманлар арасында һијлә вә ихтилафлар јаратмасына изин вермәјәҹәкдир”.
Ислам Лидери сөзүнә давам едәрәк демишдир: “Әтраф өлкәләрдә “ислами һәрәкатын” баш вермәсинин әсас сәбәби антисионист вә антиАБШ ҹәрајаныдыр. Лакин Сурија мәсәләсиндә исә АБШ вә Ишғалчы Исраилин чиркин әлләри ашкарҹасына ҝөрсәнмәкдәдир. Бизим милләтин Мәнтиг вә Мејары «һарада АБШ вә Сионистләрин хејринә шүарлар сәсләндирилирсә һәмин һәрәкат мүтләг јолун азмыш бир ҹәрәјандыр!» шүарындан ибарәтдир”.
Ислам Ингилабынын Даһи Лидери Имам Хамнеји һәзрәтләри әзиз пејғәнбәримизин бәшәр тарихиндә дәрин вә тәсир едиҹи 23 иллик пејғәнбәрлик илләринә ишарә едәрәк бујурду: “Пејғәнбәр ҹәнаблары (сәлләллаһу әлејһи вә алиһ) 23 иллик пејғәнбәрлик дөврүнүн ҹәми 10 илини Ислами Һөкүмәтин гурлушуна сәрф етмишдир. Бу аз мүддәт әрзиндә давам етмиш иҹтимаијјәти о иман, ағыл, чалышганлыг вә иззәт үзәриндә гурмушдур. Бу ҝүн бәшәр сивилизасијасы мәһз пејғәнбәримизин ҝәтирдији Ислам сивилизасијасына борҹлудур”.
Ајәтуллаһ Хамнеји “Ислам Үммәти”нин кечмиш вә индики замандакы проблемләринин јаранмасынын сәбәбини әзиз пејғәнбәримизин гојдуғу јола диггәтсизлик етмәсиндә ҝөрәрәк деди: “Әҝәр Мүсәлман Милләтләри иманы гәлб вә әммәләриндә ҝүҹләндирсәләр, Илаһи тәрәфиндән инсанлара бәхш едилмиш ағылдан дүзҝүн фајдалансалар, Аллаһ јолунда ҹиһады сијаси, игтисади, мәдәни-маариф бөлмәләриндә дүзҝүн ирәли апарсалар, инсанлыг иззәтин вә кәрамәтин гәнимәт сајсалар шүбһәсиз өз лајигли јерләринә чатаҹаглар...”
Диггәт: Хәбәрдән истифадә етдикдә мәнбәјә истинад лазымдыр
