Әһли Бејт -АБНА- хәбәр аҝентлијинин вердији хәбәрә әсасән: Бир тәрәфдән Азәрбајҹана неҹә дејәлләр “братанлыг” иддиасы едән вә заһирдә бар-бар бағырараг Ермәнистан ишғалчылары илә һеч бир әлагәләринин олмадығыны билдирән лакин хәлвәтдә Азәрбајҹанын ишғал олунмуш Дағлыг Гарабағ бөлҝәсиндә ермәни сепаратчыларын “мүлки авиасија идарәси” адландырдығы гурум илә Ханкәндидә тикилән һава лиманынын аваданлыгла тәҹһиз олунмасында јардым едән Түркијә дөвләтинин бу дәфә нөвбәти ријакарлығы үзә чыхды.
Рәҹәб Тәјјиб Әрдоған, дүнја мүсәлманларынын Мәрҹәи Тәглиди Ајәтуллаһ Систанијә јахын шәргдә баш верән халг һәракатлары, хүсуси илә дә мәзлум Бәһрејн халгынын башына ҝәтирилән зүлмләр илә бағлы мәктуб ҝөндәрмишдир.
Бу барәдә Ајәтуллаһ Систанинин “Нәҹәфи Әшрәф”дәки офиси хәбәр вермишдир. Офис рәһбәрлијинин вердији мәлумата ҝөрә, Түркијәнин Бағдаддакы сәфирлијиндән ҝәлмиш нүмајәндә һејәти Рәҹәб Тәјјиб Әрдоғанын Ајәтуллаһ Систанијә үнванладығы мәктубу, Систани ағанын “Нәҹәфи Әшрәф”дәки офис рәһбәрлијини тәгдим етмишләр.
Түркијә дөвләтинин Бәһрејн олајларында һәлледиҹи рол ојнама истәмәси елә бир заманда баш верир ки, Авропа, АБШ вә Ишғалчы Исраилин Сурија дөвләтиндә јаратдыглары иғтишашларда Түркијәнин дә бу иғтишашлара ҝөстәрдији һимајәси ачыг ашкар ҝөрүнүр.
Зидди-нәгиз давранышлар вә ҹавабсыз суаллар.
Инди исә Әрдоғанын зидд давранышлары һагда белә суал мејдана чыхыр ки, Түркијә нә истәјир? Ҝөрәсән бәзиләринин дүшүндүјү кими, ҝүја түркләр бәзи гыса мүддәтли мәнфәәтләриндән ваз кечәрәк, мәнтәгәдә мәзлум халгларын һәмајәдарларына чеврилмишләр вә исламчы мүгавимәт һәрәкат дәстәләринин кәнарында јени “Јахын Шәрг”ин тәшкил тапмасындан өтрү сәјләр ҝөстәрир? Јохса бүтүн бунларын һамысы Түркијәнин өз мәнафејини горумагдан өтрү вә јени “Османлы Иперијасыны” гурмагдан өтрүдүр?!
Ҝорәсән Әрдоғанын Ајәтуллаһ Систанијә јаздығы мәктубуна, Давусда кечирилән иҹласда ишғалчы сионист режимин рәһбәрлијинә гаршы чыхараг тәнгид етмәсинә вә Гәззә золағына ҝөндәрдији “Мави Мармара” јардым ҝәмисинә инанаг јохса онун АБШ-ла гурдуғу сәмими әлагәләринә, Ишғалчы Исраилә өз торпагында вердији һәрби базаларына, НАТО Ишғалчыларына фәал үзв олуб вә Суријада “Бин Султан” лиманын тикилмәсиндә һәмкарлыг етмәсинә инанаг?!
Һәгигәт нәдир?
Доғрусу будур ки, Түркијә һеч бир азад исламчы мүгавимәт тәшкилатларын кәнарында дурмамышдыр. Садәҹә Түркијәни онун өз милли мараглары дүшүндүрүр.
Мирзә Әләкбәр Сабир демишҝән:
Милләт неҹә тараҹ олур олсун нә ишим вар?
Дүшмәнләрә мөһтаҹ олур олсун нә ишим вар?
Әҝәр белә дејилсә, бәс нәјә ҝөрә сон 10 илдә демәк олар өмрүнүн чох вахтыны Сурија илә әлагәләрини јахшылашдырмагда вә Бәшәр Әсәдлә әлагәләрин ҝенишләндирмәсиндә сәрф етмиш бир шәхс, ҝөзләнилмәдән сионистләр илә вә сәудијјә вәһһабиләри илә бир ортаг мәхрәҹә ҝәләрәк онларын чиркин планларынын һәјата кечмәсиндә јахындан көмәклик едир? Һәтта өз торпағында Бәшәр Әсәдин мүхалифләринә гурултај кечиртмәкдә имкан јарадыр?! Неҹә олур иш о јерә чатыр ки, рәсми Анкара сионистләрин ҝүҹү илә БМТ дә Сурија әлејһинә чыхарылаҹаг гәтнамәдән һимајәт едәҹәјини елан едәрәк Бәшәр Әсәди һәдәләјир?
Амма Бәһрејн.
Мәсәләнин дәгиглијини нәзәрдән кечиртдикдә ҝөрүрүк ки, Түркләрин Бәһрејн халг һәрәкатындан (заһирдә) һимајәт етмәләри дә мәһз өз милли мәнафеләрини горумагдан өтрүдүр. Түркләр мәнтәгәдә өзләринин милли вә мәзһәби дәјәрләрини һаким етмәк әзминдәдирләр.
Мәсәләјә ајдынлыг ҝәтирмәкдән өтрү Түркијәнин Хариҹи Ишләр Назирлијинин Ирагын Баш Назири Нури әл-Малики илә ҝөрүшүнә ишарә етмәјимиз кифајәтдир. Әрдоған бу ҝөрүшдә Нури әл-Маликинин гаршысына бир нечә шәрт гојмушдур вә билдирмишдир: “Јалныз бу шәртләрә әмәл олунса Түркијә Ираг вә Иран Ислам Республикасы илә бирҝә мәзлум Бәһрејн халгындан һимајәт едәҹәкдир!” Лакин ортаја гојулан шәртләр олдугҹа ҝүлүнҹ вә мәнтигсиз олдуғундан ҹәнаб Нури әл-Малики шәртләри гејри мәнтиги вә әдаләтсиз адландырараг рәдд етмишдир.
Инди мараглыдыр! Ҝөрәсән нә олуб ки, Түркијә бир даһа Бәһрејн мәсәләси һагда дүшүнәрәк нөвбәти дәфә Ираг дөвләтини сајмајараг бир баша Ајәтуллаһ Систани һәзрәтләри илә мәктублашмаг сөвдасына дүшүб?!
Түркијә билмәлидир...
Ҝөрүнүр Әрдоған вә онун әмәкдашларынын үрәк сөзләри елә Түркијә президенти ҹәнаб “Әбдуллаһ Ҝүл”үн дедији сөзләрдир.
“Әбдуллаһ Ҝүл” демишдир: “Јахын Шәрг өлкәләриндә ҝүҹлү дәјишиликлә туфаны әсмәкдәдир” чох ҝөзәл олар ки, Түркијә дөвләти бу проссесләрдән нәһајәт истифадәни едәрәк өз хејринә чалышын!! Һәтта әҝәр бу иш бизим Сурија дөләтинә гаршы тутдуғумуз достлуг мөвгејимизи вә узун илләр боју Һиҹаб вә Ислами Әхлаг һагда вердијимиз шүарларын кәнара гојулмасы илә белә нәтиҹәләнәрсә, јенә ону ҝөрмәк мәҹбуријјәтиндәјик!!!
Јери ҝәлмишҝән ҝөрүнүр мәрһум Нәҹмуддин Әрбәкан үчүн еһтирам әламәти олараг өз папагларымызы башымыздан ҝөтүрмәли олаҹағыг. Чүнки о өлмәмишдән өнҹә аҹы ҝүлмләрлә Әрдоған вә Әбдуллаһ Ҝүл барәсиндә демишдир: “Һал Һазырда онлар билмәјәркдән дүнја имприалистләринин вә миллијәтчи сионист дүшмәнләрин дәјирманына су төкүрләр. Онлар Авропанын залым рәфтарларындан һимајәт едирләр”.
Сон сөз
Түркијә мүтләг өз мөвгејинә гәти сүрәтдә ајдынлыг ҝәтирмәлидир. Билдирмәлидир ки, нәјә ҝөрә ган ичән сионист режимини әли илә итәлијәрәк ајағы илә өзүнә сары чәкир? Нәјә ҝөрә Түркијә сионистләридән һимајәт олунан, сәуди әрәбистан вәһһабиләрин пулу илә тәмин едилән, Сурија халгынын мүхалифәләри илә сых әлагәләр гурур?!
Диггәт: Хәбәрдән истифадә етдикдә мәнбәјә истинад лазымдыр
