Әһли Бејт -АБНА- хәбәр аҝентлијинин вердији хәбәрә әсасән: Ишғалчы Исраилин Елита ВИП Тоурс туризм ширкәтинин рәһбәри Шмуел Раһман буҝүнләрдә Бакыда ики јерли туризм ширкәти илә Исраилдәки мүгәддәс мәканлара кичик Һәҹҹ зијарәтинин (Үмрә) тәшкилинә даир мүгавилә бағлајыб. Бу мүгавиләјә әсасән азәрбајҹанлылар бөјүк Һәҹҹ зијарәтинә Ишғалчы Исраил үзәриндән кечәрәк ҝедәҹәкләр.
Ширкәт рәһбәри Ш.Раһман билдириб ки, “зәвварлар бу јолла ҝетмәклә онлар Исраилдә мүсәлманларын мүгәддәс мәканларынын неҹә горундуғуну ҝөрәҹәк, бизим мүсәлманларла савашмадығымыза әмин ола биләрләр".
Мөвзу илә бағлы Фактхебер.cом-а ачыглама верән илаһијјатчы алим, фәлсәфә доктору Елшән Мустафаоғлу илләрдир мүсәлманларин гәтлиам едәрәк торпагларыны ишғал едән Исраил режиминә аид олан ширкәтин бу сәфәри Азәрбајҹанда тәшкил етмәсинин һеч бир һалда јолверилмәз олдуғуну билдирди:
“Үмумијјәтлә әҝәр белә бир хәбәр һәгигәтдирсә, бу илк нөвбәдә мүсәлманларын дини һејсијјатынын тәһгир олунмасы демәкдир. Белә ки, Исламын мүгәддәс торпагларыны ишғал етмиш гејри-мүсәлман вә ишғалчы бир режимин Һәҹҹ зијарәтини тәшкил етмәси әхлаг нормаларына зиддир. Мүсәлманларын зијарәтини нәјә ҝөрә ишғалчы бир дөвләт тәшкил етмәлидир ? Исраил һазырда мүсәлман торпагларыны ишғал едиб вә бу ишғалына һагг газандырмаг истәјир. Бу ҝүнә гәдәр Исраил БМТ-нин онларла гәтнамәсинә мәһәл гојмајараг, өз ишғалчылыг сијасәтини давам етдирир. Ишғалчы өлкәнин васитәсилә Азәрбајҹанлы зәвварларын зијарәт сәфәринин тәшкил олунмасы гәбулолунмаздыр. Белә бир һалын баш вермәсинә мән үмид етмирәм. Бу ишин һәјата кечирилмәсиндә ола билсин әсас мәгсәд һәмин ширкәтләрин газанҹ әлдә етмәсидир. Лакин белә бир факт орталыгда олса, бу мүсәлманларын һејсијјаты илә ојнанылан бир аддым кими дәјәрләндирилмәлидир. Мән инанмырам ки, Түркијәдә, Әрәбистанда бу ишлә мәшғул олан бөјүк ширкәтләр олан јердә, Гафгаз Мүсәлманлар Идарәси ишғалчы Исраил режиминин ширкәтләри илә бу сәфәри һәјата кечирсин. Ислам дининин ән үлви дәјәрләриндән һесаб олунан Һәҹҹ мәрасимини һәр һансы сијаси мәгсәдләр үчүн истифадә етмәк һеч бир инсани нормалара сыған һал дејил. Мән үмид едирәм ки, бу мәсәлә баш тутмајаҹаг.»
Диггәт: Хәбәрдән истифадә етдикдә мәнбәјә истинад лазымдыр
