Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын ишғал олунмуш Дағлыг Гарабағ бөлҝәсиндә сепаратчыларын “мүлки авиасија идарәси” адландырдығы гурум Ханкәнди һава лиманынын тикинтиси үчүн бәзи аваданлыглары Түркијә ширкәтиндән алыб. Буну ијунун 22-дә “Неwс.ам” сајтына “идарә”нин рәиси Дмитри Адбашјан дејиб.
Түркијә ширкәтинин Ханкәндидә тикилән һава лиманынын аваданлыгла тәҹһиз олунмасында иштирак етдијини бундан әввәл Азәрбајҹанын “Зеркало” гәзети дә јазмышды. Гәзет бу хәбәри Түркијә Хариҹи Ишләр Назирлијиндәки мәнбәјә истинадла дәрҹ етмишди.
“Медиа форум” сајты хәбәр верир ки, Дмитри Адбашјан “Зеркало”нун хәбәрини тәсдигләјиб. О, һава лиманынын һасара алынмасы үчүн метал торларын тохунмасында истифадә олунан дәзҝаһы Түркијәнин “Дәмирчи макина” ширкәтиндән алдыгларыны вурғулајыб: “Бу, малијјә бахымындан чох сәрфәли сөвдәләшмә иди. Авропа вә Чин ширкәтләринин истеһсал етдији дәзҝаһларла мүгајисәдә Түркијә ширкәтинин дәзҝаһы дәфәләрлә уҹуздур”.
Диггәт: Хәбәрдән истифадә етдикдә мәнбәјә истинад лазымдыр
