Әһли Бејт -АБНА- хәбәр аҝентлијинин вердији хәбәрә әсасән: Дүнјанын бир уҹундан башга уҹуна учушу ҹәми ики саата чатдырмаг, авиаторларын чохданкы арзусудур. "Даилј Маил" билдирир ки, Авропанын Аерокосмик вә Мүдафиә Консерни (ЕАДС) артыг ЗЕҺСТ адлы тәјјарәнин лајиһәсини һазырламагдадыр. Бу сәсдән ити сәрнишин тәјјарәси 5000 км/саат сүрәтлә һәрәкәт едә биләҹәк. Лајиһә Франсанын Ле Бурже шәһәриндә кечирилән әнәнәви бејнәлхалг авиасалонда тәгдим олунуб.
Јердән 32 км һүндүрлүкдә, стратосфердә учаҹаг тәјјарә учуш вә ениш үчүн ади аеродромлардан истифадә едәҹәк. "Зеро Емиссион Һјперсониҹ Транспортатион" технолоҝијасы сајәсиндә лајнер практики олараг атмосфери чиркләндирмәјәҹәк. Һаваја галхма вә енмә заманы тәјјарә дәниз јосунларындан һазырланмыш биојанаҹагла чалышаҹаг турбореактив мүһәррикләрдән истифадә едәҹәк. Стратосфердә исә тәјјарәдә ракет мүһәррикләри ишә дүшәҹәк.
Дүнјанын ән сүрәтли тәјјарәси олаҹаг тәјјарә 5029 км/саат сүрәт јығаҹаг. ЗЕҺСТ тәјјарәси 50-100 сәрнишини Парисдән Токиоја ҹәми 2,5 саата, Нју-Јоркдан Парисә исә 1,5 саата чатдыраҹаг.
ЗЕҺСТ тәјјарәсинин учушлары ән тези 2050-ҹи илдә баш тутаҹаг.
Диггәт: Хәбәрдән истифадә етдикдә мәнбәјә истинад лазымдыр
