Әһли Бејт -АБНА- хәбәр аҝентлијинин вердији хәбәрә әсасән: Ијунун 16-да Ҝәнҹәнин Низами Рајон Мәһкәмәсиндә руһани Һаҹы Фәхри Илјасовун иши үзрә кечирилән нөвбәти мәһкәмә просесиндә дөвләт иттиһамчысы Әлиһүсејн Мәммәдов чыхыш едиб. О, мүбариз руһани Һаҹы Фәхри Илјасова 4 ил 6 ај иш истәјиб.
Бундан сонра шәрләнмиш руһанинин вәкили Елчин Намазов һаким Ҝүндүз Шириновдан өзүнүн вә Фәхри Илјасовун чыхыша һазырлашмасы үчүн бир һәфтә вахт истәјиб.
Һаким просеси ијунун 24-нә тәјин едиб.
Һаҹы Фәхри Илјасов бу илин јанварында башга бир ҝәнҹәли мүбариз руһани Һаҹы Азәр Ҹәбијевлә Ҝүрҹүстана ҝедәркән, сәрһәд постунда наһагдан һәбс едилиб. Онлар Ҹинајәт Мәҹәлләсинин 221.3-ҹү маддәси илә (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) шәрләнирләр. Бу маддәдә үч илдән једди иләдәк мүддәтә азадлыгдан мәһруметмә ҹәзасы нәзәрдә тутулур.
Мајын 12-дә Ҝәнҹәнин Низами Рајон Мәһкәмәсиндә әдаләтсиз һаким Абдулла Исҝәндәров Һаҹы Азәр Ҹәбијевин 4 ил мүддәтинә азадлыгдан мәһрум едилмәси барәдә гәрар чыхарыб.
Ијунун 16-да кечирилән просесдән сонра “Медиа форум” сајтына ачыгламасында вәкил Елчин Намазов дејиб ки, мајын 20-дә Конститусија Мәһкәмәси ҝәнҹәли руһаниләрин иттиһам олундуғу Ҹинајәт Мәҹәлләсинин 221.3-ҹу маддәси илә бағлы гәрар гәбул едиб: “Һәмин гәрарда билдирилир ки, әҝәр шәхс һәдәләјибсә, зәрбә ендирмәјибсә, тәгсирләндирилән шәхс 221.3-ҹү маддә илә дејил, һәмин маддәнин 1-ҹи бәнди илә иттиһам олунмалыдыр. Мисал үчүн, әҝәр әҝәр фәр едәк ки, Һаҹы Фәхри Илјасов столу галдырыб полис ишчисини вурмагла һәдәләјибсә, лакин ону вурмајыбса, о, 221.1-ҹи маддә илә иттиһам олунмалыдыр. 221.1-ҹи маддәјә ҝөрә исә һүгугларыны мүдафиә етдијим руһаниләрә 1 илдән чох иш кәсә билмәзләр”.
Вәкил Конститусија Мәһкәмәсинин гәрарынын һәлә гүввәјә минмәдијини вә буну ҝөзләдијини дејиб: “Гәрар адәтән 1 аја гүввәјә минир. Јәгин ки, тезликлә бу олаҹаг. Буна бахмајараг нөвбәти мәһкәмә просесиндә һүгугларыны мүдафиә етдијим шәхсә бәраәт верилмәсини истәјәҹәм”.
Елчин Намазов ону да гејд едиб ки, Һаҹы Азәр Ҹәбијевлә бағлы мајын 12-дә чыхарылан гәрардан апеллјасија шикајәти вериб.
Диггәт: Хәбәрдән истифадә етдикдә мәнбәјә истинад лазымдыр
