Әһли Бејт -АБНА- хәбәр аҝентлијинин вердији хәбәрә әсасән: Өз халгыны иҹтимаи јердә медија гаршысында дәјәнәклә дөјән вә ағбирчәк нәнәнин әлиндән јапышараг, санки ермәни вандалыны јерлә сүрүкләјир кимин сүрүкләјәрәк, тәпикләјәрәк, сөјәрәк полис машынына салыб, Гураны јерә атан Әлијевләр режиминин Дахили Ишләр Назирлији Бакынын Јасамал рајонунда АБШ вә Инҝилтәрә аҝентләринә гаршы олан һәрәкәтләри хулиганлыг һәрәкәти адландырараг вә бу һәрәкәтләрин тәсадүф олдуғуну бәјан едиб. Јалтаг Назирлијин мәтбуат хидмәтинин рәис мүавини Еһсан Заһидов билдириб ки, ијунун 15-дән 16-а кечән ҝеҹә саат 00:30 радәләриндә АБШ вәтәндашы Аманда Ериксонла Бөјүк Британија вәтәндашы Желија Дакерс Јасамал рајон Полис Идарәсинә мүраҹиәт едәрәк 4 нәфәр намәлум шәхс тәрәфиндән дөјүлдүкләрини дејибләр.
Рәис мүавини билдириб ки, ханымлардан бириндә бәдән хәсарәтләри ашкар едилиб вә она хәстәханада илкин тибби јардым ҝөстәрилиб.
Назирлик сөзчүсү гејд едиб ки, фактла бағлы Јасамал РПИ-дә әмәлијјат-ахтарыш гурупу јарадылыб вә хулиганлыг едәнләрин шәхсијјәтинин мүәјјәнләшдирилмәси вә тутулмасы истигамәтиндә әмәлијјат-ахтарыш тәдбирләри һәјата кечирилир.
Өз халгынын гоҹа нәнә вә ҹаван гызларыны дөјмәклә фәхр едән Заһидов вурғулајыб: “Дахили Ишләр Назирлији инсанларын хулиганлыг зәмининдә дөјүлмәсини, хүсусән дә өлкәмиздә гонаг олан әҹнәбиләрә гаршы белә һәрәкәтләрә јол верилмәсини гәтијјәтлә писләјир. Һадисәни төрәдәнләр тутулараг кимлијиндән асылы олмајараг, мәсулијјәтә ҹәлб олунаҹаглар”.
Диггәт: Хәбәрдән истифадә етдикдә мәнбәјә истинад лазымдыр
