Әһли Бејт -АБНА- хәбәр аҝентлијинин вердији хәбәрә әсасән: Русијада һәбсдә олан 44 јашлы Азәрбајҹан вәтәндашы Москванын “Матросскаја тишина” истинтаг тәҹридханасында шәкәрли диабет хәстәлијиндән вәфат едиб. АНС ПРЕСС-ин “БалтИнфо” аҝентлијинә истинадән вердији хәбәрә ҝөрә, бу барәдә Русија пајтахтынын һүгуг-мүһафизә органлары мәлумат јајыб.
Гејд едәк ки, азәрбајҹанлы 2009-ҹу илдә наркотик маддәләрин алвери илә мәшғул олдуғуна ҝөрә һәбс едилиб. Лакин о, сәһһәтиндә олан проблемләр сәбәбиндән ҹидди режимли ҹәзачәкмә мүәссисәсинә көчүрүлмәјиб.
Мәлумата ҝөрә, бир нечә ҝүн әввәл һәмвәтәнимиз өзүнү пис һисс едиб вә хәстәханаја јерләшдирилиб. Даһа сонра исә истинтаг тәҹридханасынын хәстәхана корпусуна ҝөндәрилиб. Лакин һәкимләрин бүтүн сәјләринә бахмајараг, мәһбус дүнјасыны дәјишиб.
Һазырда онун өлүм факты илә әлагәдар олараг тәһгигат апарылыр.
Диггәт: Хәбәрдән истифадә етдикдә мәнбәјә истинад лазымдыр
