Әһли Бејт -АБНА- хәбәр аҝентлијинин вердији хәбәрә әсасән: Милли Мәҹлисин ијунун 10-да кечирилән иҹласында “Дини етигад азадлығы һаггында” гануна дәјишикликләр едилиб. Дини Гурумларла Иш үзрә Дөвләт Комитәсинин сәдр мүавини Ҝүндүз Исмајылов мүзакирәләрә дәвәт алса да, парламентин иҹласына ҝетмәјиб.
Ҝүндүз Исмајылов “Медиа форум” сајтына ачыгламасында билдириб ки, дөвләт комитәсини тәмсил едән башга бир нүмајәндә парламентин иҹласына гатылыб. Һәмин нүмајәндәнин кимлијинә ҝәлинҹә, Ҝүндүз Исмајылов бу мәлуматы мәтбуат хидмәтиндән алмағы төвсијә едиб.
“Медиа форум” сајтынын “Мүзакирәләрдә иштирак етмәмәјиниз Дини Гурумларла Иш үзрә Дөвләт Комитәсинин “Дини етигад азадлығы һаггында” гануна едилән дәјишикликләрдән наразы галмасы анламына ҝәлирми” суалы ҹавабсыз галыб. Ҝүндүз Исмајылов бу суалы да мәтбуат хидмәтинә үнванламағы мәсләһәт билиб.
“Медиа форум” сајты мәсәлә илә бағлы Дөвләт Комитәсинин мәтбуат хидмәтинә мүраҹиәт етсә дә, комитәнин сәдр мүавининин парламентин иҹласына нә үчүн гатылмадығы, иҹласда иштирак етдији билдирилән башга нүмајәндәнин ким олдуғу һагда суаллара ҹаваб ала билмәјиб. Ејни заманда сајт парламентдән өјрәнә билиб ки, Дини Гурумларла Иш үзрә Дөвләт Комитәсиндән “Дини етигад азадлығы һаггында” ганунун парламентдәки мүзакирәсинә һеч ким гатылмајыб.
Диггәт: Хәбәрдән истифадә етдикдә мәнбәјә истинад лазымдыр
