Әһли Бејт -АБНА- хәбәр аҝентлијинин вердији хәбәрә әсасән: Орта мәктәбләрдә һиҹабын јасаг едилмәсинә етираз олараг мајын 6-да кечирилән аксијаја ҝөрә тутулмуш Рөвшән Ариф оғлу Мәммәдов вә Әлван Аслан оғлу Һүсејновла бағлы Бакы Апеллјасија Мәһкәмәсинә шикајәт верилиб.
Вәкил Анар Гасымов билдириб ки, ијунун 7-дә Хәтаи Рајон Мәһкәмәсиндә һүгугларыны горудуғу һәр ики шәхслә бағлы вәсатәт галдырыб. Мәһкәмә вәсатәтләрин һеч бирини тәмин етмәјиб. Шикајәт рајон мәһкәмәсинин һәмин гәрарларындан верилиб.
“Һиҹаба азадлыг” аксијасы мајын 6-да Бакыда, Тәһсил Назирлијинин бинасы гаршысында кечирилиб. Гејри-рәсми мәлумата ҝөрә, индијә гәдәр 16-дәк шәхс ҹинајәт мәсулијјәтинә алынараг һәбс олунуб.
Ариф Мәммәдов вә Әлван Һүсејнов Ҹинајәт Мәҹәлләсинин 221.2.2. (иҹтимаи гајданын горунмасы үзрә вәзифәни јеринә јетирән вә ја иҹтимаи гајданын позулмасынын гаршысыны алан һакимијјәт нүмајәндәсинә вә ја диҝәр шәхсә мүгавимәт ҝөстәрмәклә хулиганлыг) вә 221.3. (силаһдан вә ја силаһ гисминдә истифадә едилән әшјалары тәтбиг етмәклә хулиганлыг) маддәләри илә иттиһам олунурлар.
Диггәт: Хәбәрдән истифадә етдикдә мәнбәјә истинад лазымдыр
