Әһли Бејт -АБНА- хәбәр аҝентлијинин вердији хәбәрә әсасән: Бакыда јашајыш бинасында партлајыш олуб. Јасамал Рајон Полис Идарәсиндән верилән мәлумата ҝөрә, һадисә бу ҝүн саат 14.30 радәләриндә, Шәрифзадә күчәси, 26 үнванында, Иншаатчылар метросунун јахынлығында јерләшән јени инша олунан һүндүр мәртәбәли јашајыш бинасында гејдә алыныб.
Бинанын 5-ҹи мәртәбәсиндә баш вермиш партлајыш нәтиҹәсиндә дағынты олуб, хәсарәт аланлар вар. Әразијә Фөвгәладә Һаллар Назирлијинин хиласедиҹиләри вә һәким бригадасы ҝәлиб. Арашдырмалар давам етдирилир.
Мәлумата ҝөрә, партлајыш баш верән бина јени инша едилдији үчүн һәмин бинаја тәбии газ чәкилмәјиб. Партлајышын сәбәбләри һәләлик мәлум дејил.
Бакы шәһәр Тәҹилли Тибби Јардым Стансијасында билдирилиб ки, һадисә јеринә ҹәлб едилмиш тибби јардым машынлары 5 јаралыны хәстәханаја апарыб. Һазырда онларын шәхсијјәти мүәјјәнләшдирилир.
Диггәт: Хәбәрдән истифадә етдикдә мәнбәјә истинад лазымдыр
