Әһли Бејт -АБНА- хәбәр аҝентлијинин вердији хәбәрә әсасән: Ијунун 4-дән Сәудијјә Әрәбистанында пәнаһәндә олан Јәмән диктатору Абдулла Салеһ синәсиндән вә боғазындан әмәлијјат едилиб. Диктаторун мүалиҹәсинин ики һәфтә давам едәҹәји билдирилир.
Абдулла Салеһ ијунун 3-дә президент сарајына артиллерија һүҹумунда јараланыб. Ијунун 4-дә о, Сәудијјә Әрәбистанына сығынараг хәстәханаја јерләшдирилиб.
Ијунун 5-дә өлкәнин мүхтәлиф шәһәрләриндә күтләви аксијалар кечирән мүхалифләр Абдулла Салеһин өлкәдән чыхмасыны бајрам едибләр. Мүхалифләр “Ислаһ Партијасы”нын лидери Абдулла Салеһин Јәмәндән ҝетмәсини онун 33 иллик коррупсија режиминин сонунун башланғыҹы кими гијмәтләндириб вә диктаторун өлкәјә бурахылмајаҹағыны бәјан едиб.
Феврал ајындан Јәмәндә халг үсјаны ҝедир. Әсас тәләб 1978-ҹи илдән президент күрсүсүнү тутан Абдулла Салеһин истефасыдыр. Гаршыдурмаларда јүзләрлә адам һәлак олуб.
Һазырда диктаторун сәлаһијјәтләрини витсе-президент Әбд-Рәббиһи Мәнсур Һади һәјата кечирир.
Диггәт: Хәбәрдән истифадә етдикдә мәнбәјә истинад лазымдыр
