Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан “Блоклара Гошулмајан Дөвләтләр Һәрәкаты”на гошулур. Ындонезијада сәфәрдә олан хариҹи ишләр назири Елмар Мәммәдјаров белә бир сәнәд имзалајаҹаг. Бејнәлхалг аләмлә проблемләри олан вә авторитар режимләрин һөкм сүрдүјү дөвләтләрин үзв олдуғу һәрәката Азәрбајҹанын гошулмасы өлкәјә нә вәд едир? Гејд едәк ки, Азәрбајҹанын Авропа Бирлији илә дә мүнасибәтләри арзуолунан сәвијјәдә дејил. НАТО илә ҹидди әмәкдашлыгдан бојун гачыран һакимијјәт Ыран, Венесуела, Уганда, Куба, Түркмәнистан, Беларус кими өлкәләрлә бир блокда тәмсил олунмаг нијјәтиндәдир. Бәс бу аддым бејнәлхалг аләмлә мүнасибәтләрә неҹә тәсир едәҹәк?
«Дахилдә ингилаби просесләр башлајанда һеч бир һәрәкат бу тәһлүкәләрдән горумур»
Бу вахта гәдәр Азәрбајҹанын бу гурумда мүшаһидәчи кими тәмсил олундуғуну дејән политолог Зәфәр Гулијевин фикринҹә, бу статус сахланылсајды, өлкә үчүн даһа фајдалы оларды. Мәсәлән, Ермәнистан вә Украјна мүшаһидәчи галмагла кифајәтләнир.
Експертин сөзләринә ҝөрә, бәзиләри буну Азәрбајҹанын хариҹи сијасәт курсуну дәјишмәси илә изаһ етсә дә, әслиндә белә дејил: “Бәзиләри Азәрбајҹанын бу аддымыны белә изаһ едирләр ки, ҝуја өлкә хариҹи сијасәт курсуну дәјишир. Буну да ҝуја ҝәләҹәк тәһлүкәләрдән горунмаг үчүн едир. Чүнки әрәб өлкәләриндә олан ингилаби просесләр Азәрбајҹан һакимијјәтини горхудуб. Бу һәрәката гошулмагла һакимијјәт белә бир тәһлүкәләри азалдыр. Лакин бу ҹүр мөвгеләри бөлүшмүрәм. Ынгилабларын баш вердији әрәб өлкәләри дә бу һәрәкатын үзвү иди. Дахилдә ингилаби просесләр башлајанда һеч бир һәрәкат бу тәһлүкәләрдән горумур”.
З.Гулијев һесаб едир ки, бу һәрәката үзв олан өлкәләрин һәр бири бејнәлхалг аләмин санксијалары илә үзләшә биләр. Она ҝөрә дә бу һәрәкат һеч бир зәманәт вермир вә тәһлүкәләрдән горумур.
Експертин фикринҹә, сон вахтлар хариҹи сијасәтиндә ардыҹыл хәтт һисс олунмајан Азәрбајҹан бәзән дүшүнүлмәмиш аддымлар атыр: “Ахыра гәдәр дүшүнүлмәмиш, һансыса емосијалардан ирәли ҝәлән, конјунктур ситуасијаја ҹаваб олараг аддымлар атылыр. Азәрбајҹан Гәрбдән, демократик басгылардан горунмаг үчүн ҝаһ Москва, ҝаһ Теһранла јахынлашыр. Ејни заманда бүтүн гапылары ачыг сахламаға чалышыр. Әминәм ки, Азәрбајҹан, һәтта бу һәрәката гошуландан сонра бирбаша НАТО илә мүнасибәтләри дајандырмајаҹаг. Һакимијјәт еһтијатлы хариҹи сијасәт јүрүтмәјә чалышыр. Лакин һәддиндән артыг еһтијатлы хариҹи сијасәт јени рискләр, проблемләр јарадыр. Бу бахымдан рәсми Бакынын гәрарыны о гәдәр дә уғурлу сајмырам. Чүнки реал һеч бир удуш ҝөрүнмүр. Јени проблемләр, рискләр јарана биләр”.
«Һакимијјәтә сијаси тәзјигләр даһа да артаҹаг»
Политолог Рази Нуруллајев Азәрбајҹанын “Блоклара Гошулмајан Дөвләтләр Һәрәкаты”на гошулмасыны хошаҝәлмәз аддым кими гијмәтләндирди. Чүнки бу һалда Авропа Бирлији, о ҹүмләдән АБШ Азәрбајҹанын үзәриндән хәтт чәкмәли олаҹаг. Белә бир блока гошулан Азәрбајҹан демократија јолуну сечмәк истәмәдијини сүбут едәҹәк.
Експертин фикринҹә, Ермәнистанын мүшаһидәчи кими галдығы бир гурума Азәрбајҹанын үзв олмасы бејнәлхалг аләмдә мүәјјән гынаглара сәбәб олаҹаг. Һакимијјәтә сијаси тәзјигләр даһа да артаҹаг: “Ындијә кими о блокун конфранслары диктатор режимләри олан өлкәләрдә кечирилиб. Ора үзв олмаг артыг имиҹ мәсәләсидир. Белә бир гурума Азәрбајҹанын гошулмасыны халгымыза јарашдырмырам”.
Диггәт: Хәбәрдән истифадә етдикдә мәнбәјә истинад лазымдыр
