Әһли Бејт -АБНА- хәбәр аҝентлијинин вердији хәбәрә әсасән: Азадхебер.аз сајты мај ајынын 6-сы "Һиҹаба Азадлыг!" шүары илә кечирилән аксијада һәбс едилән танынмыш илаһијјатчы Һаҹы Тале Бағыровдан јени мәлуматлар әлдә едиб.
Азадхебер.аз сајтынын мүхбири Ниҹат Әлијевин вердији мәлумата ҝөрә, Тале Бағыров илк өнҹә Ханым Фатимеји Зәһра (с.а)-нын мөвлуд ҝүнү илә әлагәдар бүтүн мүсәлман ханымларымызы тәбрик едәрәк Һәзрәти Фатимеји Зәһрадан ибрәт алараг јашамагларыны арзу едиб.
Даһа сонра илаһијјатчы мәктуб васитәси илә Азәрбајҹан халгына мүраҹиәт едиб.
Мәктубун мәтни беләдир:
Салам олсун һагсызлыгла барышмајан мүсәлман баҹы вә гардашларыма!
Тарих боју һаггла батил гаршы-гаршыја ҝәлмиш вә батил мәғлубијјәтә уғрамышдыр. Гуран мәнтигиндә буну сүбут едир: "Һагг ҝәлди батил арадан ҝетмәлидир".
Артыг бир нечә мүддәтдир ки, доғма вәтәнимиздә сионист нөкәрләри мүсәлман халгымызын милли-мәнәви дәјәрләринә гаршы мүбаризә апарыр. Амма сионист нөкәрләри батил олдугларына ҝөрә, ҝеҹ-тез һаггын мүгабилиндә арадан ҝетмәлидирләр.
Сон заманлар әрәб дүнјасында баш верән һадисәләр буна сүбутдур.
Мисир дикдатору Һүснү Мүбарәк сионистләрин бир нөмрәли нөкәрләриндән иди вә бүтүн дүнја да онун неҹә рүсвај олдуғуну мүшаһидә етди. Шүбһәсиз Һүснү Мүбарәкин аҹы агибәтиндән Азәрбајҹанда сионистләрә хидмәт едәнләр дә ибрәт ҝөтүрмәлидирләр. Амма чох тәәсүф ки, һәләдә Хырдалан шәһәриндә Һүснү Мүбарәкин һејкәли мөвҹуддур. Бу исә ону сүбут едир ки, сионист нөкәрләри ағаларына там садигдирләр вә Һүснү Мүбарәкдә онларын доғма гардашыдыр. Беләдә олмалыдыр. Чүнки дикдатор, дикдатору севәр.
Елә бу сәбәбдән һал-һазырда орта тәһсил мәктәбләриндә һиҹаб гадағасы мөвҹуддур. "Ағалары нөкәрләринә белә сифариш едиб".
Ҝеҹ-тез мүсәлман халгы бу хәјанәтин гаршысыны алаҹаг. Биз һагсызлыға, зүлмә ҝөз јума билмәрик. Чүнки бизләр Имам Һусејн (ә)-ын мәктәбинин тәлим-тәрбијәси алтында бөјүмүшүк.
Бу мәктәбин әсас шүары бундан ибарәтдир; "Һагсызлыға, зүлмә бојун әјилмәз".
Милли гәһраманымыз шәһид Сејјид Мүбариздә бу мәктәбин әлачы шаҝирдләриндән иди. О зүлмә гаршы мүбаризә апарыб, бу јолда ҹаныны фәда етди. Амма шәһид Мүбаризлә бизим фәргимиз бундан ибарәт иди ки, о, өлкә хариҹиндә олан ермәниләрлә мүбаризә апарырды, бир исә өлкә дахилиндә олан ермәниләрлә мүбаризә апарырыг.
Әмин олун ки, Мүбариз сағ олсајды бизимлә чијин-чијинә мүбаризә апарарды.
Бизим һеч бир гүввәдән горхумуз јохдур. Бизим архамызда Уҹа Аллаһымыз вар. Биз һиҹабын азадлығы уғрунда өз азадлығымызы фәда етмәјә белә һазырыг.
Зилләтлә јашамагданса иззәтлә өлмәк шәрәфлидир.
Вәссаламу алејкум вә рәһмәтуллаһи вә бәрәкәтуһ...
Диггәт: Хәбәрдән истифадә етдикдә мәнбәјә истинад лазымдыр
