Әһли Бејт -АБНА- хәбәр аҝентлијинин вердији хәбәрә әсасән: Ширван шәһәриндә јерсиз һәрәкәт “ҝор гоншулары”ны бир-биринә дүшмән етди. Рајон Полис Шөбәсиндән верилән мәлумата ҝөрә, дүшмәнчилијә онларын бир-биринин зарафатларыны һәзм етмәмәси сәбәб олуб.
Ганлы һадисә мајын 25-дә саат 02:00 радәләриндә Ширван шәһәри әразисиндә баш вериб. Шәһәр сакини 25 јашлы Елвин Әбүлфәзов мүнагишә зәмининдә гоншусу 37 јашлы Низами Мирзәјевә бычагла хәсарәт јетириб. Бычаг Е.Әбүлфәзовун дахили органларыны зәдәләјиб, бағырсағыны доғрајыб.
Ширван шәһәр Полис Шөбәси әмәкдашлары Е.Әбүлфәзову тутуб. Јаралынын вәзијјәти ағыр олдуғундан, ону диндирмәк мүмкүн олмајыб. Лакин ишин истинтагыны апаран баш мүстәнтиг Шаиг Мәммәдов Е.Әбүлфзовдан гоншусуну һансы сәбәбдән хәстәханалыг етмәсинин сәбәбини сорушуб.
Мүстәнтигин вердији мәлумата ҝөрә, Е.Әбүлфәзов илкин диндирмә заманы һадисәнин зарафат үстүндә баш вердијини дејиб. Онун демәсинә ҝөрә, һәр икиси јахын гоншу олублар. Һадисә баш верән ҝүн зарафатлашыблар, лакин Н.Мирзәјевин јерсиз зарафаты ону өзүндән чыхарыб.
Фактла бағлы Ҹинајәт Мәҹәлләсинин гәсдән сағламлыға ағыр хәсарәт јетирмә (126.1-ҹи) маддәси илә ҹинајәт иши башланыб.
Диггәт: Хәбәрдән истифадә етдикдә мәнбәјә истинад лазымдыр
