Әһли Бејт -АБНА- хәбәр аҝентлијинин вердији хәбәрә әсасән: Дағлыг Гарабағдакы сепаратчы режимин рәһбәри Бако Саакјан Дағлыг Гарабағын азәрбајҹанлы мүсәлман көчкүнләринин ҝери гајыдышынын истисна олунмадығыны дејиб.
Саакјан “Ехо Москвы” радисоуна мүсаһибәсиндә дејиб: “Биз һәмишә бејнәлхалг тәшкилатларла гачгынлар мәсәләсини бөјүк һәвәслә мүзакирә едирик. Анҹаг тәәссүф ки, бу ҝүн јалныз азәрбајҹанлы мүсәлман гачгынлардан данышылыр”-дејән гондарма гурумун рәһбәри гејд едиб ки, ермәни тәрәфи гачгын мәсәләләринин ваһид контексдә мүзакирәсини истәјирләр.
“Биз һесаб едирик ки, ҝеҹ-тез биз азәрбајҹанлы вә ермәни гачгынларынын там бәрабәр һүгугларынын тәмин олунмасы мәсәләсинә гајытмаға борҹлујуг”-дејә Саакјан дејиб.
О һәмчинин дејиб ки, Дағлыг Гарабағ мүнагишәсинин һәлли үчүн Русијанын ролу данылмаздыр.
“Русијанын ролу бурада олуб, вар, олаҹаг. Биз Русијанын Гарабағда иштиракыны тәкҹә Минск Групунун үзвүлүјү илә мәһдудлашдығыны дүшүнмүрүк. Русија дедикдә Гарабағ халгына дост олан бир дөвләт кими нәзәрдә тутуруг. Биз Русија илә олан мүнасибәтләримизи һеч ҝизләтмирик. Һесаб едирик ки, Русија бурада даһа ҝениш тәмсил олунмалыдыр. Фикримизҹә, Русијанын реҝионда мәсулијјәти о гәдәр бөјүкдүр ки, бу дөвләт Гафгазын һәјатындан кәнарда гала билмәз”-дејә Саакајан дејиб.
Гондарма гурумун рәһбәри һәмчинин гејд едиб ки, Гарабағ үзәриндә мәсулијјәт вә ҹавабдеһлик һәмчинин ОДКБ-нин үзәринә дә дүшүр.
Диггәт: Хәбәрдән истифадә етдикдә мәнбәјә истинад лазымдыр
