Әһли Бејт АБНА хәбәр аҝентлијинин вердији хәбәрә әсасән: Ҝәнҹәнин Низами рајон Мәһкәмәсинин гәрары илә руһани Һөҹҹәтул Ислам Азәр Ҹәбијев 4 ил мүддәтинә азадлыгдан мәһрум едилмишдир. О, ағырлашдырыҹы һалларла хулиганлыг етмәкдә тәгсирли билинмишдыр!
Ҝәнҹәнин Низами Рајон Мәһкәмәсинин һакими Абдулла Исҝәндәровун руһани Азәр Ҹәбијевлә бағлы һөкмүндән апеллјасија шикајәти вериләҹәк. “Мүдафиә тәрәфи һакимин бу гәдәр ағыр ҹәза верәҹәјини ҝөзләмирди”. Вәкил Елчин Намазов “Медиа форум” сајтына ачыгламасында белә дејиб.
Бирлик.аз сајтына мүнасибәт билдирән илаһијјатчы Һаҹы Јусиф Бағыров ҝәнҹәли руһанинин һәбсини писләјәрәк дејиб. “Хәбәр сајтларындан әлдә етдијимиз мәлумата ҝөрә, ики ҝүн өнҹә Ҝәнҹәдә руһанинин мәһкәмә иҹласы кечирилиб вә орада руһанија 4 ил һәбс ҹәзасы верилиб. Ондан өнҹә дә ишин ҝедишатыны хәбәрләр васитәси илә изләмишик. Вә белә ҝөрүнүр ки, тутулан руһанинин һеч бир ҝүнаһы јохдур. Садәҹә, белә бәлли олур ки, бу сифариш әсасында олан бир һәбсдир. Үмумијјәтлә, һагсыз јерә ким тутулурса, бу хошаҝәлән бир һал дејил. Билирсиниз, инсаны о заман азадлыдан мәрһум едәрләр ки, һәмин инсан ҹинајәткар олсун. Неҹә олур ки, инсанлары нароктикдән, ичкидән, хулиганлыгдан чәкиндириб саф јола дәвәт едән бир инсана хулиганлыг маддәси илә иш ачылыр. Бу чох ҝүлүнҹ вә әсассыз һәбсдир.
Диггәт: Хәбәрдән истифадә етдикдә мәнбәјә истинад лазымдыр
