Әһли Бејт АБНА хәбәр аҝентлијинин вердији хәбәрә әсасән: АБШ-ын “Тһе Nеw Yоrк Тiмеs” гәзети Авропанын Русијадан газ асылылығынын азаладылмасы үчүн нәзәрдә тутулан “Набуҹҹо” лајиһәсинин иншасынын 2013-ҹү илә кими тәхирә салынмасы һагда гәрарын чыхарылмасыјла бағлы мәгалә дәрҹ едиб.
Мәгаләдә билдирилир ки, лајиһәнин тикинтисинин тәхирә салынмасынын әсас сәбәбләриндән бири кәмәрдә иштирак едән ширкәтләрин дахил олдуғу консорсиумун тәдарүкчү өлкәләрлә разылыг әлдә едә билмәмәсидир. “Набуҹҹо” лајиһәсинин реаллашмасы үчүн әсас өлкәләрдән бири олан Азәрбајҹанын тәрәддүд етмәси кәмәрин ҝәләҹәк талејини шүбһә алтында гојур.
“Бир нечә ајдыр ки, Авропа Бирлији вә тәшкилатын рәһбәрлијинә дахил олан шәхсләр “Шаһдәниз 2” газ јатағындан чыхарылан газын “Набуҹҹо” васитәсилә Авропаја чатдырылмасыјла бағлы Азәрбајҹан һөкумәти илә апарылан данышыглар нәтиҹәсиз галды. Рәсми Бакы Авропаја газ тәдарүкү етмәкдә мараглы ҝөрүнмүр”, - дејә “Тһе Неw Јорк Тимес” билдириб.
Ону да әлавә едәк ки, “Набуҹҹо”нун реаллашмамасы үчүн Русија бүтүн сијаси-игтисади ричагларыны ишә салыб. “Набуҹҹо”да иштирак едәҹәк өлкәләр мүтәмади олараг Русијанын тәзјигләри илә үзләшир. Азәрбајҹан һакимијјәти дә өз нөвбәсиндә Гәрб дүнјасы илә мүнасибәтләринин кәскин писләшдијинә ҝөрә Кремлин марагларына ујғун мөвге сәрҝиләјир. АБШ вә Авропа үчүн мүһүм әһәмијјәт кәсб едән “Набуҹҹо” лајиһәсинин реаллашмасына Азәрбајҹан һөкумәтинин манеәјә чеврилмәси ону сөјләмәјә әсас верир ки, Илһам Әлијев нөвбәти дәфә Русијанын јанында олдуғуну бәјан едәрәк Гәрб дүнјасына гаршы чыхыр.
Диггәт: Хәбәрдән истифадә етдикдә мәнбәјә истинад лазымдыр
