Әһли Бејт АБНА хәбәр аҝентлијинин вердији хәбәрә әсасән: Азәрбајҹанын Шәки рајонунун Бөјүк Дәһнә кәнди әразисиндә гәдим абидә ашкарланыб. Буну ҹүмә ахшамы Азәрбајҹан Милли Елмләр Академијасынын Археолоҝија вә Етнографија Институтунун Шәки-Гах-Оғуз експедисијасынын рәиси Нәсиб Мухтаров дејиб.
О билдириб ки, кәнд сакинләри гојун отараркән мараглы бир даша раст ҝәлибләр вә бу барәдә дәрһал експедисија рәисинә мәлумат верибләр.
Мухтаров гејд едиб ки, апарылан арашдырмалар нәтиҹәсиндә сакинләрин тапдығы дашын 4-9-ҹу әсрләрә аид саркафак олдуғу мүәјјәнләшиб.
Һәмин саркафакда дәфн олунмуш 2 инсанын сүмүкләри олуб. Саркафакын алтында ерамыздан әввәл I миниллијин орталарына аид мәдәни тәбәгә ашкарланыб.
Буну чох мараглы абидә һесаб едән експедисија рәиси һәмин әразидә гәдим јашајыш мәскәнинин олмасы гәнаәтиндәдир.
Мухтаров һесаб едир ки, буна ҝөрә дә әразидә тәдгигат ишләри давам етмәлидир.
Диггәт: Хәбәрдән истифадә етдикдә мәнбәјә истинад лазымдыр
