Әһли Бејт АБНА хәбәр аҝентлијинин вердији хәбәрә әсасән: Бакынын Хәтаи рајонунда өлүмлә нәтиҹәләнән јол-нәглијјат һадисәси баш вериб. Рајон Полис Идарәсиндән верилән мәлумата ҝөрә, һадисә мајын 9-да ҝүнорта саатларында Нобел проспектиндә гејдә алыныб.
Полис мајору Натиг Аббасовун идарә етдији “Мерҹедес” маркалы автомобил идарәетмәни итирәрәк гаршы јола чыхыб вә ТАТРА маркалы јүк машынына чырпылыб. Зәрбәнин тәсириндән ағыр хәсарәт алан сүрүҹү һадисә јериндә кечиниб.
Рајон Полис Идарәсинин әмәкдашлары гәза јериндә арашдырмалара башлајыблар. Мәлум олуб ки, Н.Аббасов Дахили Ишләр Назирлијинин Нәглијјатда Полис Идарәсинин әмәкдашыдыр.
Диггәт: Хәбәрдән истифадә етдикдә мәнбәјә истинад лазымдыр
