Әһли Бејт -АБНА- хәбәр аҝентлијинин вердији хәбәрә әсасән: МДБ-дә фәалијјәт ҝөстәрән Дини-иҹтимаи Гурумларын Координасија Шурасы һиҹаб гадағасы вә Бәһрејн ҹинајәтләри илә бағлы конфранс кечириб.
Бу һагда Ислам-Азери.аз Интернет гәзетинә мәлумат дахил олуб.
Конфрансда Азәрбајҹандакы һиҹаб гадағасы писләниб, Бәһрејндәки Сәуд зүлмү тәнгид едилиб. Сонда бәјанат гәбул олунуб.
Бәјанатда дејилир: "Сон вахтларАзәрбајҹан Республикасында мүгәддәс динимизә гаршы агрессив аддымлар атылмагдадыр. Ән мүһүмү мәктәбли гызларын башыөртүлү формада мәктәбләрә бурахылмамасыдыр. Һалбуки гадынларын башөртүјү олан һиҹаб Ислам дининин зәрури ганунларындандыр. Бу ганун һәм Азәрбајҹан Республикасынын конститусијасына, һәм дә халгымызын әсрләр боју бөјүк гурбанлар баһасына горудуғу милли-мәнәви дәјәрләринә зиддир. Бу гадаға артыг нечә ајдыр ки, тәһсил назирлији тәрәфиндән мәктәбләрдә һәјата кечирилир. Бу гадағаја етираз едәнләр һүгуг-мүһафизә органлары тәрәфиндән ја һәбс едилир, ја да психоложи тәзјигләрә мәруз галырлар.
Биз буҝүнкү конфранс иштиракчылары Азәрбајҹан Республикасы һөкумәтиндән гәти шәкилдә тәләб едирик ки, сон вахтлар өлкәмиздә јеридилән исламафобија сијасәтинә сон гојсун вә һеч бир гануни әсас олмадан һәбс едилән руһаниләр, гејрәтли вәтәндашлар дәрһал азад етсин.
Биз дүнја сәвијјәсиндә Бәһрејн халгына едилән зүлмләри мәһкум едирик. Бәһрејн халгына гаршы төрәдилән ҹинајәтләри дүнја иҹтимаијјәтинин диггәтинә чатдырмаг истәјирик. Чүнки Бәһрејн халгына олан зүлмләр дүнјанын информасија васитәләри тәрәфиндән демәк олар ки ишыгландырылмыр. Һәтта БМТ, Авропа Шурасы вә инсан һаглары тәшкилатлары кими бејнәлхалг гурумлар бу ишә биҝанә галыб тамашачы мөвгеји тутурлар. Ән дәһшәтлиси өзүнү Ислам аләминин лидери сајан Сәудијјә Әрәбистаны һөкумәтинин Бәһрејнә гошун јеритмәсидир. Өзләрини мусәлман сајан Сәудијјә ордусунун әсҝәрләри мәзлум Бәһрејн халгынын намусуна тәҹавүз едир. Әлијалын инсанлар танк тыртыллары алтда әзилир. Бәһрејн һөкумәти һаггыны тәләб едәнләри, һәтта гадынлары һәбс едиб ишҝәнҹә верир. Һәбс олунан инсанларын едам олунмасы барәсиндә гәрар гәбул едилир. Даһа аҹынаҹаглысы будур ки, мүсәлманларын ибадәт јери олан мәсҹидләр учурур. Тәәссүфләр олсун ки, Бәһрејн вә Сәудијјә һөкумәтләринин бу ҹинајәтләринә дүнја иҹтимаијјәти тәрәфиндән ҝөз јумулур. Бүтүн бунлары нәзәрә алараг МДБ-дә фәалијјәт ҝөстәрән Дини-иҹтимаи Гурумларын Координасија Шурасы бу ҹинајәтләри мәһкум едәрәк бәјанатла чыхыш едир:
Бәһрејн вә Сәудијјә Әрәбистаны һөкүмәтләриндән тәләб едирик:
Еј Али Хәлифә сүлаләси! Сиздән тәләб едирик ки:
1) Ҝүнаһсыз һәбс олунан инсанлары дәрһал азад едилсин;
2) Әлијалын халга гаршы зор тәтбиг едилмәсинә сон гојулсин;
3) Мәзлум халгын һаглы тәләбләри вә демократик ислаһатлар һәјата кечирилсин;
4) Еј Сәудијјә кралы! Сиздән мәзлум мүсәлман Бәһрејн халгына гаршы ишләтдијиниз силаһы јерә гојуб ганунсуз олараг Бәһрејнә јеритдијиниз гошуну чыхармағы тәләб едирик.
Бу бизим инсани вә дини һаггымыздыр!"
Диггәт: Хәбәрдән истифадә етдикдә мәнбәјә истинад лазымдыр
