Әһли Бејт -АБНА- хәбәр аҝентлијинин вердији хәбәрә әсасән: Кәлбәҹәр рајонунда јени рајон «пејда» олуб
Белә ки, ишғал алтында олан Кәлбәҹәр рајонунда ермәниләр јени "Шаумјан" рајону јарадырлар. Билдирилир ки, јени рајона ермәни аиләләрин көчү сүрәтләндириләҹәк вә бу "әрази-инзибати ваһид"и Дағлыг Гарабағла јанашы, Ермәнистан үчүн мүстәсна стратежи әһәмијјәт кәсб едир.
Амма Кәлбәҹәр рајонунда ермәниләр бир јох, беш рајон јаратсалар белә, һәмин мәкан бүтүн бејнәлхалг сәнәдләрдә вә хәритәләрдә Азәрбајҹан әразиси кими ҝөстәрилиб.
Белә олуб вә белә дә оласыдыр.
"Шаумјан" рајонунун јарадылмасы исә әслиндә Ермәнистанын фәргли адлы, амма әввәлки мәзмуна малик идефиксидир.
Рәсми Јереван ишғал етдији Азәрбајҹан рајонларына ермәниләрин көчәрәк јерләшмәдикләрини анладығындан һәмин әразиләрдәки һајларын сајыны мүмкүн гәдәр тез, өзү дә чох артырмаға ҹан атыр.
Белә "ҹанатма"да һансыса "јени рајон"ун јарадылмасына тәәҹҹүбләнмәјә дәјмәз.
Ермәнистан рәһбәрлијинин адекватлыгдан чох узаг аддымларыны вә гәрарларыны нәзәрә алсаг, Кәлбәҹәрин ҝүнләрин бириндә "Ермәнистанын гәдим мәркәзи" елан едилмәсинә тәәҹҹүбләнмәјә дәјмәз.
Чүнки Ермәнистан һакимијјәти дәрк едир ки, ишғалдакы торпаглар азад едиләҹәк, Азәрбајҹана гајтарылаҹаг.
О вахта гәдәрсә президент Серж Саркисјан режими "експеримент"ләри давам етдирәҹәк.
Диггәт: Хәбәрдән истифадә етдикдә мәнбәјә истинад лазымдыр
