Әһли Бејт -АБНА- хәбәр аҝентлијинин вердији хәбәрә әсасән: Дүнән алдығымыз хәбәрдә иддиа едилир ки, Һејдәр Әлијевин Лондонда јашајан вә Азәрбајҹанла, аз гала, бүтүн әлагәләрини кәсмиш кими ҝөрүнән гызы Севил Әлијева Азәрбајҹана ҝәлир вә бир мүддәт бурада јашамағы планлашдырыр.
Мәнбә билдирир ки, Севил Әлијеванын Бакыја гајытмасы барәдә хәбәр һаким аиләнин вә бүтөвлүкдә һакимијјәт боссларынын ҹидди нараһатлығыны јарадыр.
Мәсәлә бурасындадыр ки, инди С.Әлијеванын Азәрбајҹаны идарә едән чеврәләрлә, о ҹүмләдән һаким аилә илә ҹидди мүнагишәләринин олдуғу сөјләнилир вә бу мүнагишәләрин көкү илә бағлы чох мүхтәлиф еһтималлар јазылыб, шәрһләр верилиб.
Һәлә 7-8 ај бундан әввәл нүфузлу бејнәлхалг тәшкилат - “Бејнәлхалг Бөһран Групу” Азәрбајҹан һакимијјәтинин үнванына кифајәт гәдәр кәскин иттиһамларла зәнҝин һесабат һазырламышды. Һесабата һаким аиләнин дахилиндәки мүнагишә илә бағлы да ҹидди мәлуматлар әлавә едилмишди. Бу мәлуматда билдирилирди ки, Севил ханым Әлијева вә президентин әмиси Ҹәлал Әлијев “аилә бизнеси”ндән кәнарда галыб, аилә бизнесинә нәзарәт исә Пашајевләрә вә бу аиләјә јахынлығы илә сечилән шәхсләрә кечиб. Һесабатда даһа сонра јазылырды: “Пашајевләр аиләси Ылһам Әлијевин һакимијјәтә ҝәлмәсиндән сонра дирчәлмәјә башлајыб. Онларын нәзарәтиндә олан әсас компанија ”Паша Һолдинг"дир. Бу ширкәт иншаат, туризм, сығорта вә банк ишилә мәшғулдур... “Аилә”нин үзвләри олмуш кечмиш президент Һејдәр Әлијевин гардашы Ҹәлал Әлијев вә гызы Севил Әлијева “ислаһатчылар”ын фәаллашмасындан сонра “Аилә бизнеси”ндән узаглашдырылыблар.
Буна сәбәб исә онларын Илһам Әлијеви лидер кими гәбул етмәмәләри олуб.
Вахтилә һакимијјәт дахилиндәки нахчыванлы груплашмаларла Пашајевләр груплашмасы арасында нүфуз савашы ачыг мүстәвијә кечди. Лакин 2008-ҹи ил президент сечкиләриндән сонра бу мүбаризәдә сәнҝимә башлады. Пашајевләр аиләсинин нахчыванлылардан ибарәт олмамасы вә 2013-ҹү илдә Меһрибан Әлијеванын президент олмаг еһтималынын јаранмасындан сонра Нахчыван груплашмасы Пашајевләрлә ачыг гаршыдурмадан јајынмаг курсу ҝөтүрдү".
***
“Аилә бизнеси”ндән кәнарлашдырылан Ҹәлал Әлијевин ән етибарлы адамларындан бири олан Абдулла Абдуллајевә мәхсус “А.М.А.Ј.” ширкәтинин исә гопарағы ҝөтүрүлүб вә бу, өлкә иҹтимаијјәтинин ҝөзләри гаршысында баш верир. Иҹтимаи рәјдә, һәтта белә бир әминлик дә вар ки, ады чәкилән ширкәтдә Ҹәлал Әлијевин дә активләри вар: һәрчәнд буну һүгуги бахымдан тәсдиг едәҹәк сәнәдләр орталыгда јохдур.
***
Бир нечә ај бундан әввәл инди Лондонда јашајан вә Севил Әлијеванын чеврәсиндә олан шәхс кими танынан сабиг милләт вәкили Рза Ыбадовун барәсиндә ахтарыш елан едилмишди: сабиг милләт вәкили Ҹинајәт Мәҹәлләсинин 148-ҹи (тәһгир) вә 147.2-ҹи (ағыр вә ја хүсуси илә ағыр ҹинајәтдә иттиһам етмәклә бөһтан атма) маддәләри илә тәгсирли билинирди.ÿ(Сечки кампанијасы заманы алтернативи олан Рөвнәг Абдуллајевә гаршы апардығы тәблиғатын нәтиҹәси олараг).
Һәмин әрәфәдә белә бир хәбәр јајылмышды ки, “Спаҹе” телеканалынын Севил Әлијеванын әлиндән алынмасы илә бағлы сон һазырлыг ишләри ҝөрүлүр вә әслиндә, инди бу просесин баша чатдығыны иддиа едән адамлар вар. “Спаҹе”-лә бағлы анлашылмазлыг әрәфәсиндә башга бир хәбәр дә јајылмышды ки, Севил Әлијева Рза Ибадову Азәрбајҹана езам едир ки, бурадакы әмлак-бизнес ишләрини гајдасына салсын, амма Рза Ибадову тәһдидлә Азәрбајҹана ҝәлмәк фикриндән чәкиндирибләр. Мараглыдыр ки, сабиг депутатын барәсиндә ахтарыш гәрары елан едиләндә бәзиләри белә еһтимал етдиләр ки, бу тәдбир онун һәтта С.Әлијеванын нүмајәндәси кими дә Азәрбајҹана јолуну бағласынлар.
Ҝөрүнүр, С.Әлијева бүтүн бу анлашылмазлыглара сон гојмаг, өзүнүн статусу илә бағлы ағыр мүзакирәләр апармаг үчүн Бакыја ҝәлир. Бурадакы һакимијјәт чеврәләринин нараһатлығы да һәмин мүзакирәләрин чох ағрылы олаҹағы илә бағлыдыр.
Диггәт: Хәбәрдән истифадә етдикдә мәнбәјә истинад лазымдыр
