Әһли Бејт -АБНА- хәбәр аҝентлијинин вердији хәбәрә әсасән: Аксија иштиракчылары АБШ-ын пилотсуз тәјјарәләринин авиазәрбәләринә етиразларыны нүмајиш етдирибләр
Пакистанын шимал-гәрбиндәки Пишавәр шәһәриндә етираз аксијасы кечирилиб. Аксија иштиракчылары Америка Бирләшмиш Штатларына мәхсус пилотсуз тәјјарәләрин Пакистана ендирдији авиазәрбәләрә етираз едибләр.
Етираз аксијасы Пакистан Тәһрик-и-Инсаф (Пакистан Әдаләт Һәрәкаты) партијасы тәрәфиндән тәшкил едилиб.
Хатырладаг ки, Америка Бирләшмиш Штатлары гүввәләри Пакистанын Әфганыстанла сәрһәд әразиләриндә ҝизләнән Талибан вә Әл-Гаидә дөјүшчүләринә гаршы мүбаризәдә пилотсуз тәјјарәләрдән истифадә едир.
Пакистанын баш назири Јусиф Ҝилани вә орду рәһбәри ҝенерал Әшфәг Пәрвиз Кајани дә дахил олмагла өлкәнин бир сыра рәсмиләри дә пилотсуз тәјјарәләрин зәрбәләринә гаршы етираз нүмајиш етдирибләр. Пакистан рәсмиләринин мәлуматына ҝөрә, ҹүмә ҝүнү пилотсуз тәјјарәләрин сон авиаһүҹуму нәтиҹәсиндә гадын вә ушаглар да дахил олмагла 25 нәфәр өлуб.
Диггәт: Хәбәрдән истифадә етдикдә мәнбәјә истинад лазымдыр
