Әһли Бејт -АБНА- хәбәр аҝентлијинин вердији хәбәрә әсасән: Апрелин 21-дә Ҝәнҹәнин Низами Рајон Мәһкәмәсиндә Ҹинајәт Мәҹәлләсинин 221.3-ҹү маддәси илә шәрләнәрәк иттиһам олунан руһани Азәр Ҹәбијевин иши үзрә мәһкәмә иҹласы кечирилиб
Апрелин 21-дә Ҝәнҹәнин Низами Рајон Мәһкәмәсиндә Ҹинајәт Мәҹәлләсинин 221.3-ҹү маддәси илә шәрләнәрәк иттиһам олунан руһани Азәр Ҹәбијевин иши үзрә мәһкәмә иҹласы кечирилиб. Вәкил Елчин Намазов һаким Абдулла Исҝәндәровун сәдрлик етдији иҹласда бир сыра вәсатәтләр галдырылдығыны сөјләјиб.
Азәр Ҹәбијевлә бирҝә даһа бир ҝәнҹәли руһани Фәхри Илјасов ејни маддә илә тәгсирләндириләрәк һәбс олунуб.
Елчин Намазовун сөзләринә ҝөрә, һаким ҹинајәт ишинә хитам верилмәси, һәбс гәтимкан тәдбиринин ев дустаглығы илә әвәз едилмәси һагда вәсатәтләрә бахылмасы үчүн вахт истәјиб: “Гәрарда да гејд олунуб ки, иш јенидир вә јетәринҹә арашдырма апарылмајыб. Ҹинајәт иши илә бағлы, тәгсирләндирилән шәхсин кимлији илә бағлы деталлар һәләлик мәлум дејил. Һаким иши арашдыраҹағыны вә вәсатәтләрә деталларла таныш олдугдан сонра бахаҹағыны билдирди. Просес заманы зәрәрчәкәнләрдән јалныз бири – Низами Рајон Полис Шөбәсинин әмәкдашы, сержант Нофәл Исҝәндәров диндирилди”.
Вәкил нөвбәти мәһкәмә просесинин апрелин 26-сы саат 10-а тәјин едилдијини гејд едиб.
Диггәт: Хәбәрдән истифадә етдикдә мәнбәјә истинад лазымдыр
