Әһли Бејт -АБНА- хәбәр аҝентлијинин вердији хәбәрә әсасән: Бајрам Сәфәров: “Ишғал алтындакы әразиләрә “халг дипломатијасы” чәрчивәсиндә Азәрбајҹан иҹтимаијјәт нүмајәндәләринин нөвбәти сәфәринин вахты бәлли дејил”
«Дағлыг Гарабағын азәрбајҹанлы иҹмасы» Иҹтимаи Бирлијинин сәдри Бајрам Сәфәров дејиб: Ермәниләрин ишғалы алтындакы Дағлыг Гарабаға вә диҝәр әразиләрә «халг дипломатијасы» чәрчивәсиндә Азәрбајҹан иҹтимаијјәт нүмајәндәләринин нөвбәти сәфәринин вахты бәлли дејил».
Б. Сәфәров билдириб ки, бунун үчүн иҹазәләр алынмалы, һазырлыг ишләри һәјата кечирилмәлидир: “Һәлә ки, бу истигамәтдә ишләр апарылмыр”.
Б. Сәфәров ермәниләрин Ханкәнди аеропортуну ачылышыны јај ајларына сахламасына да мүнасибәт билдириб. Иҹма сәдринин сөзләринә ҝөрә, бу аеропорт Азәрбајҹанын мүлкијјәтидир вә рәсми Бакынын иҹазәси олмадан ора учушларын һәјата кечирилмәси бејнәлхалг һүгуга зиддир: «Ермәниләр ора јај ајларында турист ҝәтирмәк истәјирләр. Бу бош-бош сөһбәтләрдир. Орада адам вармы ки, турист ҝәлсин? Туристләр сакит јерләрә ҝедирләр, мүһарибә бөлҝәсинә јох...»
Диггәт: Хәбәрдән истифадә етдикдә мәнбәјә истинад лазымдыр
