Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын баш прокурор Закир Гаралов билдириб: Азәрбајҹанда “ганунсуз” кечирилән аксијаларын гаршысы алынаҹаг.
О гејд едиб ки, радикал мүхалифәт гүввәләри Азәрбајҹанда сабитлији позмаға ҹәһд ҝөстәрир: “Биз билирик бу сифаришләр һарадан гајнагланыр. Радикал мүхалифәт билмәлидир ки, Азәрбајҹанда һүгуги-дүнјәви дөвләт гурулуб. Иҹтимаи-сијаси просесләр ганунла тәнзимләнир. Ганунсуз кечирилән аксијаларын гаршысы алынаҹаг”.
З. Гаралов мүхалифәтин 2 апрел аксијасына да мүнасибәт билдириб. О гејд едиб ки, апрелин 2-дә кечирилән аксија нәтиҹәсиндә вәтәндашларын әмлакы дағыдылыб, иҹтимаи асајиш кобуд шәкилдә позулуб: “Мәлум һадисәләрлә бағлы 9 нәфәр мәсулијјәтә ҹәлб едилиб, истинтаг давам едир, өлкәдә иҹтимаи асајиши позан шәхсләрә гаршы ҹидди тәдбирләр ҝөрүләҹәк. Бу, аксијанын тәшкилатчыларына да шамил едилә биләр”.
Гејд едәк ки, Закир Гараловун мүхалифәтчиләрин һансыса хариҹи өлкәләрдән сифариш алдыгларынын билмәсини иддиа етмәсинә бахмајараг лакин һеч бир дөвләтин адыны рәсмән ачыгламады!
Диггәт: Хәбәрдән истифадә етдикдә мәнбәјә истинад лазымдыр
