Әһли Бејт -АБНА- хәбәр аҝентлијинин вердији хәбәрә әсасән: Франсада гејд олунан ганун бу ҝүндән гүввәјә миниб. Һәбс олунан гадын билдириб ки, бу ганун онун дини азадлыгларыны позур. Јени гануна ҝөрә сахланан гадын 150 авро ҹәримә өдәмәли вә хариҹи вәтәндашлар үчүн мәҹбури курслара ҹәлб олунмалыдыр. Бундан әввәл Парисдә ганунун әлејһинә аксија кечирмәјә чалышан 60-дәк шәхс сахланыб.
Јени ганун мүсәлман иҹмасынын ҹидди наразылығына сәбәб олуб. Гануна әсасән, һәјат јолдашлары вә гызларыны чадра тахмаға мәҹбур едән кишиләр 30 мин авро ҹәримә олунаҹаг, әҝәр буна мәҹбур едилән шәхс јенијетмәлик јашына чатмајан гыздырса, о заман ҹәримәнин һәҹми ики дәфә артыр. Мүсәлман иҹмасы президент Саркозинин тәшәббүсү илә гәбул олунан бу ганунун тәтбигинин полислә өлкә әһалисинин бир һиссәси арасында тоггушмалара сәбәб олаҹағы барәдә хәбәрдарлыг едиб.
Диггәт: Хәбәрдән истифадә етдикдә мәнбәјә истинад лазымдыр.
