Әһли Бејт -АБНА- хәбәр аҝентлијинин вердији хәбәрә әсасән: һөкумәтин истефасынын сәбәбләри ачыгланмајыб. Һөкумәтин истефаја ҝөндәрилмәси Сурија рәһбәрлијинин көклү сијаси вә игтисади ислаһатлара башламаг вәдинин јеринә јетирмәк истигамәтиндә илк аддым сајылыр. Әсәдин вәд етдији ислаһатлар һөкумәтин истефаја ҝөндәрилмәси илә мәһдудлашмајаҹаг. Бу ахшам президентин халга мүраҹиәт едәҹәји вә атаҹағы нөвбәти аддымлары ачыглајаҹағы ҝөзләнилир.
Дүнән өлкәнин витсе-президенти Фарук Шара дөвләт башчысы Бәшәр Әсәдин мүһүм гәрарлары ачыглајаҹағыны билдирмишди. Хатырладаг ки, Сурија рәһбәрлији ҹидди ислаһатлара башламаг гәрарыны өтән һәфтә гәбул едиб. Ислаһатлара чохпартијалы системин тәтбиг олунмасы, күтләви информасија васитәләри һаггында јени ганунун гәбулу, мәһкәмә системинин јенидән гурулмасы, коррупсијаја гаршы сәрт мүбаризә дахилдир.
Президент Бәшәр Әсәдин бу ҝүн һәмчинин өлкәдә 48 илдир давам едән фөвгәладә вәзијјәт режимини ләғв едәҹәји дә ҝөзләнилир. Артыг һакимијјәт бунунла бағлы практики аддымлар атмаға башлајыб.
Диггәт: Хәбәрдән истифадә етдикдә мәнбәјә истинад лазымдыр.
