Әһли Бејт -АБНА- хәбәр аҝентлијинин вердији хәбәрә әсасән: Түркијәнин баш назир Рәҹәб Тајјиб Әрдоғанын Ирага ики ҝүнлүк рәсми сәфәри башлајыб. Баш назир пајтахт Бағдад шәһәриндә сәфәри чәрчивәсиндә президент Ҹәлал Талабани, баш назир Нури Әл-Малики вә парламент сәдри Усамә Нуҹәјфи илә ҝөрүшмәји планлашдырыр. Түркијәли назир бундан әлавә Ирагын ән нүфузлу алими сајылан Ајәтуллаһ Систани илә дә ҝөрүшмәји планлашыдырыр.
Түркијәнин баш назири Рәҹәб Тајјиб Әрдоған, Ирагын Нәҹәф шәһәринә ҝедәрәк орада сејјид Ајәтуллаһ Систани илә ҝөрүшмәјә һазырлашыр. Мәлумат үчүн билдирәк ки, Ајәтуллаһ Систани Ирагда ән чох севилән, һөрмәт едилән вә президентдән дә бөјүк нүфуза малик шәхсдир. Бу ҝүнләрдә ираглы алимин мәсләһәтиндән сонра баш назир Нури Әл-Малики назир постларында ислаһатлара старт вериб.
Диггәт: Хәбәрдән истифадә етдикдә мәнбәјә истинад лазымдыр.
