Әһли Бејт -АБНА- хәбәр аҝентлијинин вердији хәбәрә әсасән: Триполинин 210 километр шәргиндәки Мисуратаны мүһасирәдә сахлајан Гәззафијә бағлы гүввәләр дүнән коалисија гүввәләринин бомбардманы нәтиҹәсиндә ҝери чәкилиб. Анҹаг ҝеҹә һөкумәт гүввәләри јенидән танкларла Мисуратаја һүҹум едиб. Бу ҝүн сабаһ саатларында исә стратежи әһәмијјәтә малик Мисрата лиманы һөкумәт гүввәләринин әлинә кечиб.
Гәззафи режиминә гаршы бејнәлхалг һәрәкатын алтынҹы ҝүнүндә Мисурата вә Әҹдәбијјә кими стратежи әһәмијјәтли шәһәрләрдә үсјанчыларла Гәззафијә бағлы гүввәләр арасындакы тоггушмалар давам едир.
Коалисија гүввәләринин БМТ-нин мүлки вәтәндашлары горума миссијасы чәрчивәсиндә бу шәһәрләрдә мүлки вәтәндашларын өлүмүнә сәбәб олан зиреһли техниканы һәдәфә алдығы билдирилир. Хариҹи хәбәр аҝентликләринин мәлуматларына ҝөрә, Гәззафинин танклары ҝүндүз саатларында ҝери чәкилир, ҝеҹә исә үсјанчыларын әлләриндәки шәһәрләрә һүҹум едир.
АБШ вә Инҝилтәрә һәрбчиләри 160-дан чох "Томаҝавк" ракети вә јүзләрлә бомбардман учушу нәтиҹәсиндә Гәззафинин һава һүҹумундан мүдафиә системләри вә һава гүввәләринин тамамилә зәрәрсизләшдирилдијини ачыглајыблар. Һава һәрәкатынын Гәззафинин зиареһли техникаларыны да сырадан чыхармағы һәдәфләдији билдирилиб. Верилән мәлумата ҝөрә, сон 24 саат ичәрисиндә Гәззафинин һәдәфләринә 113-ү АБШ тәјјарәләри тәрәфиндән олмагла 175 һүҹум едилиб.
АБШ гүввәләринин команданы Һуебер Гәззафи мүһасирәдә сахладығы шәһәрләрдән чәкилмәдикҹә бу һүҹумларын давам едәҹәјини билдириб. Америкалы ҝенерал Гәззафинин нәзарәтиндәки гүввәләрин үсјанчыларын олдуғу шәһәрләрә ҝирмәсини әнҝәлләјәҹәкләрини вә бу гүввәләрин Триполи илә әлагәләрини тамамилә кәсәҹәкләрини сөјләјиб.
Диггәт: Хәбәрдән истифадә етдикдә мәнбәјә истинад лазымдыр
