Әһли Бејт -АБНА- хәбәр аҝентлијинин вердији хәбәрә әсасән: “Азәр Ҹәбијевин барәсиндә топланмыш материалларда онун полисләрә гаршы тәһгиредиҹи ифадәләр ишләтмәси вә полисләрә физики зоракылыг ҝөстәрмәси гејд олунурду. Сонунҹу үзләшмә заманы просесин биртәрәфли апарылмасы вә етирафларын протокола јазылмамасы сәбәбиндән үзләшмәдән имтина едәрәк, видеокамера гаршысында апарылмасыны тәләб етдик. Вәсатәтим тәмин олду. Артыг дүнәндән башлајараг, үзләшмәләр видеокамера гаршысында кечирилир. Үзләшмәјә ҝәлән шәхсләр исә гисмән етирафедиҹи ифадәләр верирләр. Белә ки, видеокамера гаршысында үзләшән полисләр ачыг формада билдирирләр ки, Азәр Ҹәбијев полис шөбәсиндә һеч кимә гаршы налајиг сөзләр ишләтмәмиш, гышгырмамыш, һеч кими һәдәләмәмишдир. Бундан башга әввәлләр Азәр Ҹәбијевин онлара хәсарәт јетирдијини дејән полисләр билдирирләр ки, әслиндә онлара хәсарәт гәсдән јетирилмәмишдир. Беләки, хәсарәт аланлардан бири мүбаһисә заманы әлинин стулун кәнарына тәсадүфән сүртүлмәси нәтиҹәсиндә ҹызылдығыны дејир. Диҝәри исә билдирир ки, А.Ҹәбијев әсәбләшәрәк стула тәпик вурмаг истәјәркән ҹәлд тәрпәниб стулу ҝөтүрмәк истәмиш вә бу заман А.Ҹәбијевин ајағы истәмәјәрәкдән полисин әлинә дәјмишдир”-дејә вәкил Елчин Намазов әлавә едиб.
Гејд едәк ки, бүтүн буналарын протоколда гејд едилдијини дејән Е.Намазов һәмчинин билдириб ки, диндарларын һеч бир әсас олмадан вә әсассыз јерә сахланмасы да етираф олунуб. Вәкил мүсбәт дәјишикликләрлә јанашы, бир сыра анлашылмазлыгларын олмасыны да сөјләјиб. “А.Ҹәбијев барәдә видеокамера гаршысында үзләшмә тәләбим тәмин олунса да диҝәр тәгсирләндирлән – Фәхри Илјасов барәдә вәсатәт рәдд едилиб. Мүстәнтигә етриаз едәрәк, билдирмишәм ки, вәсатәтә мүнасибәтдә ајрысечкилијә јол верилә билмәз. О исә ҹаваб верир ки, ҝуја јанлышлыг олмушдур. Беләки мүстәнтиг билдирир ки, ҝуја диҝәр мүстәнтигин ејни мәзмунлу вәсатәти тәмин етмәсиндән хәбәрсиз олуб”-дејә вәкил билдириб.
Хатырладаг ки, Е.Намазов истинтагын бу мәсәләдә чәтин вәзијјәтә дүшдүјүнү гејд едиб вә јол верилән ајрысечкилијин арадан галдырылаҹағна үмид етдијини вурғулајыб.
Мәлумат үчүн билдирәк ки, Азәр Ҹәбијевлә Фәхри Илјасов 16 јанвар 2011-ҹи илдә Ҝүрҹүстана ҝедәркән сахланмыш вә барәләриндә полисә зоракылыг ҝөстәрмә иттиһамы илә Ҹинајәт Мәҹәлләсинин 221.3-ҹү (хулиганлыг) маддәси илә ҹинајәт иши башланмышдыр.
Диггәт: Хәбәрдән истифадә етдикдә мәнбәјә истинад лазымдыр
