Әһли Бејт -АБНА- хәбәр аҝентлијинин вердији хәбәрә әсасән:Сәудијјә Әрәбистанында 11 март тарихиндә кечириләҹәк үмумхалг митингиндән әввәл, вәһһаби алимләр бунунла бағлы өз рәјләрини ачыглајыб. Сәудијјә кралы Мәлик Абдуллаһ режиминә гаршы чыханлары диндән хариҹ адландыран вәһһаби алимләр, бунунла да митинг кечирмәји һарам едибләр. Өлкәнин дөвләт телевизијасы олан "СПА"-да ҝедән мәлумата ҝөрә, Сәудијјәнин вәһһабиләрдән ибарәт Алимләр Шурасы, митинг кечирмәк истәјән садә вәтәндашлары фитнә төрәтмәкдә иттиһам едиб вә нүмајишләрин кечирилмәсинин диндә гадаған олдуғуну вурғулајыб.
Гејд едәк ки, вәһабиләрдән ибарәт Алимләр Шурасы, "Сүлһсевәр нүмајишләр кечирмәк һәр бир вәтәндашын һаггыдыр" дејән Мүсәлман Алимләр Бирлијинин сәдри шејх Јусиф Гәрзавини дә тәнгид едиб. Вәһһабиләрдән ибарәт бир груп топлу, нүфузлу сүнни алимини диндән чыхмагда иттиһам едәрәк, митинг кечирмәјин Ислам дининдә иҹазәсинин олмадығыны вә бу үздән динә бидәт ҝәтирилдијини билдирибләр.
Диггәт: Хәбәрдән истифадә етдикдә мәнбәјә истинад лазымдыр
