Әһли Бејт -АБНА- хәбәр аҝентлијинин вердији хәбәрә әсасән: мартын 12-дә саат 14:00-дан 16:00-дәк “Тәбриз” кинотеатры гаршысында кечириләҹәк митинг һаггында Бакы шәһәр Иҹра Һакимијјәтинә хәбәрдарлыг мәктубу верилиб. Гејд едилиб ки, меријанын һансы ҹаваб вермәсиндән асылы олмајараг митиг кечириләҹәк вә партијанын мүвафиг структурларына конкрет ҝөстәришләр верилиб. Гәрара алыныб ки, митингә һазырлыг чәрчивәсиндә һәфтә әрзиндә Сәдрләр Шурасынын партија фәаллары илә бирликдә ҝениш јығынҹағы кечирилсин.
Ҝүндәлијин иҹтимаи-сијаси вәзијјәтә даир бөлүмүндә һакимијјәтин сон вахтлар ҝәнҹләрә гаршы јүрүтдүјү репрессија мүзакирә едилиб. Сијаси фәаллығы илә сечилән, ҝәнҹләри күтләви аксијалара чағыран вә Конститусијаја ҝөрә алтернатив һәрби хидмәт кечмәк истәјән Бәхтијар Һаҹыјевин һәбси илә бағлы ајрыҹа бәјанат гәбул едилиб вә онун дәрһал һәбсдән азад олунмасы тәләб едилиб.
Милли Мәҹлисин ТВ мәркәзинин рәһбәри Рауф Нәсировун тутдуғу вәзифәдән даһа ашағы вәзифәјә кечирилмәси һагда мәлумат да мүзакирә едилиб. Гејд едилиб ки, сон парламент сечкиләриндә Арзу Сәмәдбәјлинин рәгиби олмуш спикер Огтај Әсәдов, мүсаватчы намизәдин Милли Мәҹлисин ТВ-синин архивиндә олан видеоматериаллардан истифадә етмәсини Рауф Нәсирова бағышлаја билмәјиб. Дахил олан мәлуматлара ҝөрә Огтај Әсәдовун ҝөстәриши илә Милли Мәҹлисин ТВ-синин архивиндә олан уникал материаллар мәһв едилир. Диван Милли Мәҹлисин тарихи илә бағлы видеоматериалларын индики конјуктураја ујғун олараг мәһв едилмәсини кәскин гынајыр вә дәрһал бу просесин дајандырылмасыны тәләб едир.
Тәдбирин сонунда бәјанат гәбул олунуб. Бәјанатда дејилир:
"Сон вахтлар һакимијјәт сијаси фәаллыг ҝөстәрән ҝәнҹләрә гаршы репрессија апарыр. Бир гәдәр әввәл сијаси тәдбирләрдә фәаллығы илә сечилән АХҸП үзвү Ҹаббар Саваланлы ҹибинә наркотик атараг һәбс олунмушдур. Даһа сонра АХҸП-нин диҝәр фәал ҝәнҹи Дәјанәт Бабајев шәрләнәрәк 10 суткалыг һәбсә мәһкум едилди. О, режимә гаршы күтләви аксијаларын башланмасыны тәблиғ едирди вә интернетдә “Фаҹебоок” сосиал шәбәкәсиндә хүсуси фәаллыг ҝөстәрирди. Мүстәгил ҝәнҹләрин 11 март аксијасы вә Мүсават Партијасынын 12 март митинги илә әлагәдар һакимијјәт јени репрессија далғасына башлајыб.
Ҝәнҹә шәһәри Низами рајон мәһкәмәсинин гәрары илә барәсиндә бир ајлыг һәбс гәрары чыхарылмыш Бәхтијар Һаҹыјевлә бағлы даһа тәһлүкәли вәзијјәт јараныб. О, өлкә Конститусијасындакы мөвҹуд маддәјә истинад едәрәк алтернатив һәрби хидмәт кечмәк истәјир. О, сонунҹу парламент сечкиләриндә депутатлыға намизәд олуб, тәблиғат кампанијасы дөврүндә режим әлејһинә кәскин тәнгиди фикирләр сөјләјиб. Бундан әлавә Бәхтијар Һаҹыјев режим әлејһинә күтләви аксијалара башламаг јөнүндә ҝәнҹләр арасында тәблиғат иши апарыр. Онун һәбси истиснасыз олараг сијаси мөвгеји илә бағлыдыр. Һәбсдә олдуғу заман она физики тәсир ҝөстәрилиб вә ишҝәнҹә верилиб. Һал-һазырда һәбсдә олан Бәхтијар Һаҹыјев аҹлыға башлајыб вә билдириб ки, һәр ан интиһар едә биләр.
Мүсават Партијасы Бәхтијар Һаҹыјевә гаршы ганунсузлуға сон гојулмасыны, онун вә диҝәр ҝәнҹләрин дәрһал һәбсдән азад едилмәсини, јени репрессија далғасына сон верилмәсини тәләб едир."
Диггәт: Хәбәрдән истифадә етдикдә мәнбәјә истинад лазымдыр
