Әһли Бејт -АБНА- хәбәр аҝентлијинин вердији хәбәрә әсасән: бу сөзләри Азәрбајҹанда рәсми сәфәрдә олан Иранын рабитә вә информасија технолоҝијалары назири Реза Тәгипур Әнвәри кечирдији мәтбуат конфрансында дејиб.
О билдириб ки, Иран вә Азәрбајҹан арасында ики тәрәфли игтисади, сијаси тиҹарәт вә мәдәнијјәт саһәсиндә әмәкдашлыг узун илләрдир ки, ики өлкә рәһбәрләринин сәји нәтиҹәсиндә инкишаф едир: “Бу илләр әрзиндә ики өлкә чох наилијјәтләр әлдә едиб. Хүсуси илә дә игтисади саһәдә әмәкдашлыглар кифајәт гәдәр инкишаф едиб. Еләҹә дә мәдәнијјәт саһәсиндә дә әлагәләр сон илләр артмагдадыр. Азәрбајҹанын Теһран вә Тәбриздә мәдәнијјәт ҝүнләринин кечирилмәси, еләҹә дә Иранын Азәрбајҹанда кечириләҹәк мәдәнијјәт ҝүнләри буна әјани сүбутдур”
Назир Иранын Азәрбајҹанла олан почт әлагәләринин дә јүксәк сәвијјәдә олдуғуну дејиб: “Узун илләрдир ки Азәрбајҹанла почт әлагәләримиз вар. Шимал Ҹәнуб почт әмәлијјатларынын һәјата кечирилмәсиндә Азәрбајҹанла хүсуси әмәкдашлығымыз вар”.
Иранын рабитә назири Азәрбајҹан президенти Илһам Әлијевлә вә рабитә вә информасија технолоҝијалары назири Әли Аббасовла кечирдији ҝөрүшләри сәмәрәли адландырыб. Назир билдириб ки, Иран рабитә технолоҝијасына аид олан саһәдә истеһсал етдији аваданлығы Азәрбајҹана вермәјә һазырдыр. Онун сөзләринә ҝөрә, Иран вә Азәрбајҹан арасында рабитә вә информасија технолоҝијалары саһәсиндә икитәрәфли комиссијалар јарадылаҹаг: “Комиссијанын үзвләри ики өлкә арасында мүәјјән мөвҹуд потенсиаллары арашдыраҹаглар. Бу өлкәләримизин рабитә саһәсиндә даһа да инкишафына сәбәб олаҹаг”.
Назир Азәрбајҹанын космоса ҝөндәрәҹәји пејкдән ҝәләҹәкдә истифадә едә биләҹәкләрини дејиб.
Диггәт: Хәбәрдән истифадә етдикдә мәнбәјә истинад лазымдыр
