Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын али дини лидери Сејид Әли Хамнеји Тәбриз ҹамааты илә ҝөрүшүндә дејиб: “Азәрбајҹан халгынын јүксәк мүбаризлији ислам ингилабында чох тәсирли олуб вә 33 ил бундан өнҹә бунун шаһиди олмушуг. Һәмин мүбаризә ҝүҹү бу ҝүн дә вар вә ҝәләҹәк нәсилләрә дә өтүрүләҹәк”.
О, Иран Ислам Республикасынын бу ҝүн гүдрәтли дөвләтә чеврилмәсинин, елм, технолоҝија саһәсиндә инкишафынын Азәрбајҹан халгынын 33 ил өнҹә етдији мүбаризә сајәсиндә баш тутдуғуну билдириб: “Һазырда Ирана гаршы игтисади блокадалар тәтбиг едилир, елмин инкишафына манеәләр јарадылыр, алимләримизи террор едирләр”.
Имам Хамнеји Азәрбајҹан халгынын тарихин мүхтәлиф заманларында бүтүн чәтинликләрдән үзүағ чыхдығыны сөјләјиб. Дини лидер дүнјада бүтүн милләтләрин һүгугларынын АБШ вә диҝәр истисмарчы гүввәләр тәрәфиндән позулдуғуну вурғулајыб: “Мисир халгы да зүлм вә истисмардан тәнҝә ҝәләрәк мөһтәшәм бир ингилаб етди. Азәрбајҹан халгы белә һалларда јери ҝәлдикдә өз шүҹаәти вә гејрәти илә варлығыны сүбута јетириб. Узагҝөрән, ајыг вә мүбариз олмаг Азәрбајҹан халгынын әсас хүсусијјәтләридир”.
Диггәт: Хәбәрдән истифадә етдикдә мәнбәјә истинад лазымдыр
