Әһли Бејт -АБНА- хәбәр аҝентлијинин вердији хәбәрә әсасән: 2010-ҹу илдә Азәрбајҹанда инсан һүгугларынын вәзијјәти пис олараг галыб. “Һуман Риҝһтс Wатҹһ” тәшкилатынын 2010-ҹу илдә дүнјада инсан һагларынын вәзијјәти илә бағлы һесабатынын Азәрбајҹана аид һиссәсиндә белә дејилир.
“Азадлыг” радиосунун мәлуматына ҝөрә, һесабатда билдирилир ки, һөкумәт мүхалиф фикри ифадә едән журналистләри горхутмаг вә ҹәзаландырмаг үчүн мүхтәлиф ҹинајәт ишләриндән истифадә едиб, журналист Ејнулла Фәтуллајев ујдурма ҹинајәт иши үзрә һәбсханада галмагдадыр.
Һесабатда вурғуланыб ки, 2010-ҹу илин нојабрын 7-дә Азәрбајҹанда кечирилән парламент сечкиси бејнәлхалг стандартлара ујғун олмајыб. Башга ҹидди проблемләр, о ҹүмләдән дин, топлашма вә тәшкилатланма азадлыгларына гојулан мәһдудијјәтләр, еләҹә дә һәбсханаларда ишҝәнҹә вә пис рәфтарла бағлы проблемләр дә һәллини тапмајыб.
Һесабатда хатырладылыб ки, Инсан Һүгуглары үзрә Авропа Мәһкәмәси Азәрбајҹанын Ејнулла Фәтуллајеви һәбс етмәклә ифадә азадлығыны поздуғу һагда гәрар чыхарыб вә журналистин дәрһал азад олунмасыны тәләб едиб.
Диггәт: Хәбәрдән истифадә етдикдә мәнбәјә истинад лазымдыр
