Әһли Бејт -АБНА- хәбәр аҝентлијинин вердији хәбәрә әсасән: Сон ҝүнләр өлкә диндарларына гаршы апарылан күтләви һәбс далғасы нәтиҹәсиндә дини мүһитдә бошлуг јараныб. Ексклүзив олараг ФактХебер.ҹом-а данышан вә адынын чәкилмәсини истәмәјән експерт бу бошлуғун Ирандан ҝәләҹәк јени дини лидер-руһани васитәси илә долдурулаҹағыны билдирди. Мәнбә гејд едир ки, Мөвсум Сәмәдовун һәбси, Зүлфүгар Микајылоғлу вә диҝәр руһаниләрин һәбс мүддәтләринин узадылмасы илә диндар топлума башчылыг едәҹәк бир рүһанијә еһтијаҹ јараныб. Онун дедикләриндән ән мараглысы исә бу олду ки, өлкәдә кифајәт гәдәр танынмыш вә имам ҹүмә кими танынан руһаниләр, һәбсдә олан руһаниләрин мүдафиәсиндә иштирак етмәкдән бојун гачырыблар.
Һазырда Түркијәдән өлкәмизә һәбсдә олан руһаниләрин һүгугларынын мүдафиәси илә ҝәлмиш һүгуг мүдафиәчиләрин (Мазлумдер-ред) өлкәмиздә олмасынын бир сәбәби дә, мәһз јерли дини етигад мүдафиә мәркәзләринин рүһаниләрин мүдафиәсинә галхмамасыдыр.
Диҝәр тәрәфдән исә експерт нараһатлығла гејд етди ки, Мөвсүм Сәмәдовун 2 јанвар чыхышы илә дини ҹамијә әслиндә јени бир “мәрһәлә”јә, реал динчи мүхалифәт мәрһәләсинә кечиб. Мөвсүм Сәмәдовун “шаһмат тахтасы”нда “ШАҺ” ҝедиши ҝетмәси јени мәрһләнин башланғыҹы кими гијмәтләндирилә биләр. Нәзәрә алынса ки, Мөвсүм Сәмәдов чыхышындан сонра туталаҹағыны ачыг-ашкар билирди, о һалда бу “ҝедиш”ин давамынын онун лидерлији илә јох, бир башга лидерин рәһбәрлији илә апарылаҹағы прогнозлашдырылырды. Индики һалда, бу рүһани лидерин Иран Ислам Республикасынын дин елми һөвзәләриндән бириндән ҝәләҹәји ачыг ашкардыр.
Мәнбә һәмчинин өлкә мүстәгиллијиндән бу ҝүнә гәдәр садә диндарларын руһаниләрә һеч вахт бу гәдәр бағлы олмадығыны гејд етди вә индики һалда Мөвсүм Сәмәдов вә Зүлфүгар Микајылоғлунун һәбсдә сахланылмасыны, онларын идеоложи олараг “баш”сыз галмасы илә әлагәләндирди. Мараглысы будур ки, диҝәр руһаниләр бу бошлугда “лидер” ролуну ојнаја билмәјибләр. Одур ки, инди өлкәдә рүһаниләр арасында ики мүхтәлиф груп формалашыр. Һакимијјәтә лојаллығы илә сечилән, танынан вә буну тәблиғ едән, диҝәр тәрәфдә исә мүхалиф фикрләрлә реал сијаси мүхалифәт ролуну ојнајаҹаг јени “динчи” мүхалифәт.
Диггәт: Хәбәрдән истифадә етдикдә мәнбәјә истинад лазымдыр
