Әһли Бејт -АБНА- хәбәр аҝентлијинин вердији хәбәрә әсасән: 1918-ҹи илдә ермәниләрин Азәрбајҹанда төрәтдији сојгырымла бағлы јени сәнәдли филм чәкилир. “Јаддашын рәмзи” адланан сәнәдли филм ермәни вәһшилијини әјани фактларла әкс етдирәҹәк.
Архив материалларына әсасланан филмдә ермәниләрин 1918-ҹи илдә Азәрбајҹанын ајры-ајры бөлҝәләриндә, еләҹә дә Губада төрәтдији вәһши гырғынлар барәдә әтрафлы мәлумат вериләҹәк. Маһир Гәдимовун ссенариси әсасында чәкилишләрә башлајан гурулушчу режиссор Әләкбәр Мурадов Губадакы сојгырым мәзарлығынын тарихин әјани нишанәси кими тәгдим олунаҹағыны билдириб. Режиссор 1918-ҹи илин Губа фаҹиәси илә бағлы Азәрбајҹан Дөвләт Архивиндән вә Түркијәнин архивләриндән јени мәлуматларын әлдә едилдијини ачыглајыб.
Мәдәнијјәт вә Туризм Назирлијинин сифариши әсасында һазырланан сәнәдли филмин хариҹи дилләрә тәрҹүмә едиләрәк дүнја тамашачыларына тәгдим олунмасы да нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр
