Әһли Бејт -АБНА- хәбәр аҝентлијинин вердији хәбәрә әсасән: РАТИ-дә тәшкил олунан мәтбуат конфрансында Асәф Әлијев, өзүнүн дә јерли полис тәрәфиндән тәгиб олундуғуну билдириб вә шәһәрә һәбс олунмамаг үчүн гајытмадығыны сөјләјиб
Азәрбајҹан Ислам Партијасынын сәдри Мөвсүм Сәмәдов вә һәбс едилән диҝәр диндарларын һүгугларыны мүдафиә едән комитәнин тәшкил етдији мәтбуат конфрансында, Ҝәнҹәдә баш верән репресијалар барәдә дә данышылыб. Өтән ҝүн һәбс едилән ики ҝәнҹәли руһани барәсиндә мәтбуат нүмајәндәләринә мәлумат верән Асәф Әлијев адлы ҝәнҹәли руһани, шәһәрдә диндарларын ганунсуз һәбс олундуғуну билдириб.
Гејд едәк ки, үч ҝүн бундан өнҹә Азәрбајҹандан Ҝүрҹүстана кечәркән сәрһәд полиси тәрәфиндән сахланылан Ҹәбијев Азәр Ариф оғлу вә Илјасов Фәхри Һәсән оғлунун һарада сахланылдығы барәдә мәлумат верилмир. Аилә үзвләри вә јахынлары Ҝәнҹә шәһәр полис идарәсинә руһаниләрин сахланма јери барәдә мүраҹиәт етсәләр дә, һәр икисинин сахланылдығы јер барәдә һеч бир мәлумат верилмәјиб.
Репортјорларын Азадлыг вә Тәһлүкәсизлик Институтунун (РАТИ) мәтбуат мәркәзиндә конфранс заманы Асәф Әлијев, өзүнүн дә јерли полис тәрәфиндән тәгиб олундуғуну билдириб вә шәһәрә һәбс олунмамаг үчүн гајытмадығыны сөјләјиб. Азәрбајҹанын мешә ганунлары илә идарә олундуғуну билдирән Асәл Әлијев, Ҝәнҹәдә һәбс олунан руһани диндарлара гаршы ҹинајәт ишинин ачылдығыны билдириб. “Ики ҝүн бундан габаг илаһијјатчы алим Фәхри Илјасов вә Азәр Ҹәбијев һәбс олунуб. Онларла һеч кәсин ҝөрүшмәсинә иҹазә верилмир. Бундан әлавә АИП Ҝәнҹә шөбәсинин рәһбәри Һаҹы Јусифә мәхсус олан, лакин онун јашамадығы евдә мәһкәмәнин иҹазәси олмадан јохланыш апарылыб вә орадан силаһ тапылыб. Һазырда мәни дә ахтарырлар. Ҝәнҹәдә олмадығым мүддәтдә анамы полис бөмәсинә апарараг бир нечә саат орада сахлајыблар. Бундан әлавә һәбс олунан Азәр Ҹәбијевин 60 јашлы атасына һеч бир әсас олмадан 3 сутка һәбс ҹәзасы верилиб”- дејә Асәф Әлијев билдириб.
Диггәт: Хәбәрдән истифадә етдикдә мәнбәјә истинад лазымдыр
